Wannan shafi ne da zai kawo muku labarai da rahotanni kai tsaye na abubuwan da ke faruwa dangane da rasuwar Sarauniya Elizabeth ta Ingila.
Mustapha Musa Kaita, Halima Umar Saleh, Abdullahi Bello Diginza and Nasidi Adamu Yahaya
Masu bibiyarmu a wannan shafi na BBCHausa.com nan muka kawo karshen labarai da rahotanni, kan rasuwa da makokin da ake ciki na rasuwar Sarauniya Elizabeth ta II.
Sai kuma gobe idan Allah ya kai mu za mu sake dawowa da wasu sabbin rahotannin, da halin da ake ciki a Birtaniya, da sauran kasashe.
Abdullahi Bello Diginza, ke muku fatan alkhairi.
Mun gode
Asalin hoton, SENEDD CYMRU/WELSH PARLIAMENT
'Yan siyasa a kasar Wales sun bayyana alhininsu kan rasuwar Sarauniya Elizabeth ll a wani zama na musamman da suka yi a majalisar dokokin kasar.
Yayin da yake jagorantar zaman, babban ministan kasar Mark Drakeford ya yaba da yadda Basarakiyar ta damu da al'umar Wales da dorewar Dimkoradiiya a kasar.
Taron na zuwa ne bayan da aka yi bikin ayyana sabon Sarki a birnin Cardiff.
An fara zaman ne da yin shiru na 'yan wasu mintuna
Mista Drakeford ya ce Sarauniyar ta ''cimma abubuwa masu tarin yawa a tsawon rayuwarta''.
Ɗaruruwan mutane ne suka halarci dandalin Green Park wanda ke kusa da fadar Buckingham, da ke tsakiyar birnin Landan.
Mutanen sun halarci wurin ne domin ajiye furanni da sakonnin alhinin rasuwar Sarauniya Elizabeth II.
Asalin hoton, Reuters
Asalin hoton, YOAN VALAT/EPA-EFE/REX/Shutterstock
Asalin hoton, Getty Images
Asalin hoton, PA Wire
Asalin hoton, PA Media
Abubuwa da dama sun faru a shirye-shiryen jana'izar Sarauniya Elizabeth ll da ake yi a Birtaniya ga wasu daga cikin abubuwan da suka farun a yinin yau.
Asalin hoton, Reuters
Sarki Charles lll ya karbi bakuncin Patricia Scotland, babbar sakatariyar kungiyar Kasashe Rainon Ingila ta Commonwealth a Fadar Buckingham
Sannan kuma Sarkin ya gana da manyan Kwamishinonin kasashen da ke karkashin ikon Birtaniya.
Bayan ganawar ne kuma Sarkin ya fita wajen fadar domin gaisawa da dandazon jama'ar da ke wajen fadar.
A gobe ne Sarkin tare da matarsa za su je dakin taro na Westminster, inda 'yan majalisar dokokin Birtaniya za su hallara domin yi masa ta'aziyya, daga nan kuma su hau jirgin sama zuwa birnin Edinburgh wajen da gawar Sarauniya take
Asalin hoton, PA Wire
Asalin hoton, Reuters
Asalin hoton, PA Wire
Asalin hoton, EPA
Asalin hoton, Reuters
Asalin hoton, Paul Campbell/PA Wire
Gimbiya Anne tare da mijinta wanda babban hafsan sojin ruwan kasar ne wato Vice-Admiral Sir Tim Laurence sun yi wa gawar sarauniyar rakiya zuwa Edinburgh daga fadarta da ke Balmoral a yankin Scotland.
Bayan kwashe sa'o'i shida ana wannan doguwar tafiya a mota, a yanzu gawar ta isa fadar Sarauniyar ta Holyroodhouse, wadda ke birnin Edinburgh, kuma a cikin makon da za mu shiga ne za a wuce da ita zuwa birnin Landon domin yi mata jana'izar kasa.
A yayin wannan doguwar tafiya da aka bi ta garuruwa manya da kanana da kauyuka, sun sha tarba da nuna girmamawa daga duk jama'ar da aka bi ta garuruwansu.
Gawar Sarauniya ta isa fadar Holyroodhouse da ke Edinburgh bayan tafiyar sa'o'i shida a mota daga Fadar Balmoral inda ta rasu.
A wannan fadar ta Holyroodhouse ne dai gawar za ta kwana kafin a wuce da ita zuwa cocin St Giles a gobe Litinin da rana.
Inda mutane da dama za su ci gaba da zuwa domin nuna girmamawa gareta.
Manoma a Aberdeenshire sun yi ta'aziya ga Sarauniya Elizabeth II a lokacin da ake wucewa da gawarta.
Manoman sun jera tarakatocinsu a gefen titi domin nuna girmamawa ga sarauniyar.
Bidiyon da aka ɗauko daga jirgin sama ya nuna yadda aka ajiye motocin a gefen hanya inda suke kallon titi
Sarki Charles III ya isa Fadar Buckingham inda a nan ake sa ran zai tattauna da Babbar Sakatariyar Ƙungiyar Commonwealth, Patricia Scotland.
An ga ɗumbin mutane suna ta ɗaga hannu ga Sarki Charles III a lokacin da yake shiga fadar.
Ayarin da ke tafe da gawar Sarauniya Elizabeth zuwa Edinburgh ya tsaya domin a ƙara wa motoci mai direbobi kuma su huta.
Tafiyar da za a yi daga Balmoral zuwa Fadar Holyroodhouse da ke Edinburgh tafiya ce mai nisan kilomita 281, kuma ana sa ran za su shafe sa'o'i shida suna tafiyar.
Asalin hoton, Getty Images
Rundunar sojin Ukraine ta ce dakarunta sun ƙwace sama da murabba'in kilomita 3,000 a harin ramuwar gayya da suke kaiwa a gabashin Ukraine ɗin ga dakarun Rasha.
Idan hakan ta tabbata, lallai hakan na nufin dakarun na Kyiv su ninka wuraren da suka ƙwace sau uku a cikin kwana biyu kacal.
Ko ranar Alhamis da dare sai da Shugaba Zelensky na ƙasar ya ce an ƙwace murabba'in kilomita 1,000.
BBC dai daga ɓangarenta ba ta tabbatar da ikirarin gwamnatin Ukraine ba domin ba a bai wa ƴan jarida damar zuwa fagen daga ba.
An samu wasu da suka jefa furanni ga motar da ke ɗauke da gawar Sarauniya Elizabeth a ƙauyen Banchory.
Banchory na daga cikin ƙauyukan da aka wuce da gawar Sarauniya a kan hanyar zuwa Edinburgh daga Balmoral.
An yin tsit na ɗan wani lokaci a lokacin da gawar Sarauniya ke wucewa ta cikin ƙauyen Ballater.
Asalin hoton, Reuters
Asalin hoton, Reuters
Asalin hoton, Reuters
A halin yanzu dai ana tafiya da gawar Sarauniya zuwa Edinburgh, kuma za ku iya kallo kai tsaye a tashar talabijin ta BBC NEWS yadda ake tafiya da gawar Sarauniyar.
Helikwaftan BBC ne ke ɗaukar bidiyon ayarin motocin da ke raka gawar Sarauniyar uwa Edinburgh
A ƙauyen Ballater kusa da Balmoral, mutane da dama ne dai suka kafa kayi a kan tituna inda suke jiran wucewar gawar Sarauniya.
Gawar ta bar Fadar Balmoral zuwa Fadar Holyroodhouse da ke Edinburgh
Asalin hoton, Reuters
Asalin hoton, Reuters
Asalin hoton, Reuters
Asalin hoton, Reuters
Akwatin gawar Sarauniya Elizabeth II ya bar Fadar Balmoral zuwa Edinburgh.
An saka akwatin ne a cikin wata mota ƙirar marsandi inda wasu motoci ke biye da motar gawar.
Dubban mutane ne suka kafa layi inda suke jiran fitowar Sarauniyar.
A ranar 19 ga watan Satumba ne ake sa ran za a gudanar da jana'izarta.
