Labarai da rahotanni game da rantsar da 'yan majalisar dattawa da wakilai na Najeriya, da kuma zaben shugabannin majalisun guda biyu.
Umar Rayyan, Usman Minjibir and Umar Mikail
Nan muka kawo karshen labarai da rahotanni kai tsaye game da rantsar da 'yan majalisar dattawa da wakilai na Najeriya, da kuma zaben shugabannin majalisun guda biyu.
Ku kasance da mu gobe Laraba wato Ranar Dimokradiyya a Najeriya don za mu sake kawo maku labarai da bayanai kai-tsaye game da abubuwan da za su faru a ranar. Mun gode.
Sanata Ali Ndume ya rungumi kaddara bayan da ya fadi zaben neman shugabancin majalisar dattawa Najeriya, wanda Sanata Ahmed Lawan ya lashe.
Babban akawun majalisa ya rantsar da Ahmed Wase na jam'iyyar APC a matsayin mataimakin shugaban majalisar wakilai.
Babban akawun majalisa ya rantsar da Femi Gbajabiamila na jam'iyyar APC mai mulki a matsayin Shugaban Majalisar Wakilan Najeriya.
Gbajabiamila, wanda ke wakiltar mazabar Surulere a jihar Legas, ya doke Umaru Bago daga jihar Naija, shi ma dan jam'iyyar APC.
Ahmed Wase ya zama mataimakin shugaban majalisar wakilai ne ba tare da an yi wani zabe ba saboda yadda aka kasa samun wanda zai kalubalance shi a zauren majalisar.
Doka ta amince a rantsar da shi ba tare da gudanar da zabe ba saboda an kasa samun wanda zai fafata da shi a neman kujerar mataimakin shugaban majalisar wakilai.
Asalin hoton, Facebook
An bayyana sunan Femi Gbajabiamila na jam'iyyar APC mai mulki a matsayin mutumin da aka zaba Shugaban Majalisar Wakilan Najeriya.
Gbajabiamila, wanda ke wakiltar mazabar Surulere a jihar Legas, ya doke Umaru Bago daga jihar Naija, shi ma dan jam'iyyar APC.
Gbajabiamila ya samu kuri'u 281 yayin da Umar ya samu kuri'u 76.
An fara kidaya kuri'un zaben shugaban majalisar wakilan Najeriya.
Asalin hoton, Channels
Ana ci gaba da zaben Kakakin Majalisar Wakilai ta kasa inda ake fafatawa tsakanin Femi Gbajabiamila da kuma Umaru Bago - dukkansu 'yan APC ne.
Za mu kawo muku yadda sakamakon zai kasance.
Shugaban Majalisar Dattawa Sanata Ahmed Lawan na gabatar da jawabin godiya bayan zaben da aka yi masa.
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
An fara kada kuri'a a majalisar wakilai domin zaben Kakakin majalisar.
Ana takara tsakanin Femi Gbajabiamila daga Legas da Umaru Bago daga Naija.
Dukkansu 'yan jam'iyyar APC ne.
Ganin yadda 'yan majalisar wakilai suke da yawa, da alama za a dauki lokaci kafin gama kada kuri'a har zuwa kirga su.
Akwai 'yan majalisa 360, wadanda ake sa ran dukkaninsu za su kada kuri'ar.
Saboda yawansu ne ma ake kiran mutum hudu a lokaci guda domi su fito su kada kuri'arsu.
Asalin hoton, Getty Images
Dan majalisa Abubakar Yunusa na jam'iyyar APC daga Gombe ya gabatar da takarar Umar Mohammed Bago daga jihar Naija domin zama Kakakin majalisar wakilai.
Sannan wani dan majalisa daga Benue ya goyi bayansa.
Umar Muhammad Bago shi ne dan takarar da PDP ke mara wa baya.
Ita kuwa jam'iyyar APC takarar Femi Gbajabiamila take goyon baya.
Tuni kuma Hon Umar Bago ya amince da bukatar ya tsaya wannan takara.
Asalin hoton, Channels
Dan majalisar wakilai Abdulmumini Jibrin ya gabatar da takarar Femi Gbajabiamila daga jihar Legas domin zama Kakakin majalisar wakilai.
Sannan kuma wata 'yar majalisa ta tashi domin goyon bayan matsayin na Abdulmumini.
Magoya bayan dan takarar sun barke da tafi.
Kuma tuni Gbajabiamila ya amince ya tsaya takarar kamar yadda aka nemi ya yi.
Asalin hoton, Twitter
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
Jam'iyyar APC mai mulki reshen Birtaniya ta taya Sanata Ahmed Lawan da OMo-Agege murnar lashe zabe a matsayin shugaba da mataimaki na majalisar dattawa.
Sun yi nasara ne a zaben da aka kada a dazu.
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
Bayan kammala zaben majalisar dattawa, a yanzu akawun majalisar zai tafi ne zuwa majalisar wakilai domin gudanar da zabe a can.
Femi Gbajabiamila ne dai dan takarar da jam'iyyar APC ke mara wa baya, inda PDP ke mara wa Umar Mohammed Bago baya.
Sabon shugaban majalisar dattawa Sanata Ahmed Lawan ya hau kan kujerarsa bayan an zabe shi kuma an rantsar da shi.
Ya umarci akawun majalisar da ya fara rantsar da sabbin sanatoci a madadinsa.
Za a yi rantsuwar ne jiha uku-uku a lokacin guda, wato sanatoci tara-tara.
Asalin hoton, Channels
Sanata Omo-Agege na APC ya sha rantsuwa a matsayin mataimakin shugaban majalisar dattawa, bayan da ya kayar da Sanata Ike Ekweremadu na PDP.
Asalin hoton, Channels
Sanatoci 105 ne suka kada kuri'a a zaben mataimakin shugaba - daya ya kaura ce - yayin da kuri'a daya kuma ta lalace.
Omo-Agege ya samu kuri'u 68 yayin da Sanata Ike Ekweremadu ya samu 37.
Asalin hoton, Channels
Da alamu Sanata Omo-Agege na jam'iyyar APC ya lashe zaben mataimakin shugaban majalisar dattawa, inda ya doke Sanata Ike Ekweremadu na jam'iyyar PDP.
Yanzu ana jiran a kammala kirge bayan an ware kuri'un da aka kada.
