Wannan shafi ne da zai ke kawo muku bayanai kan wasan Uganda da Najeriya da na Tanzaniya da Tunisia a gasar kofin nahiyar Afirka ta 2025 da ake yi a Moroko.
Mohammed Abdu
Da fatan za ku tara nan gaba don kawo muku sharhi da bayanan gasar cin kofin Afirka da ake yi a Morocco.
Za a buga sauran wasannin rukuni na biyar da na shida ranar Laraba.
Daga nan a faɗa karawar zagaye na biyu daga ranar Asabar.
Sunana Mohammed Abdu Mamman Skeeper Tudun Wada nake muku fatan alheri
Asalin hoton, Getty Images
Asalin hoton, Getty Images
Bayan da Najeriya ta yi nasara a kan Uganda, ta lashe dukkan karawa uku a cikin rukuni a karon farko tun bayan 2021.
Tunisiya ta kai zagaye na biyu a gasar cin kofin Afirka, bayan da ta tashi 1-1 da Tanzaniya a wasa na uku a rukuni na uku ranar Talata a gasar cin kofin Afirka a Morocco.
Kenan Tunisiya ta kai bante da maki huɗu, ita kuwa Tanzaniya maki biyu ta haɗa kenan ta yi ban kwana da wasannin kakar nan.
Najeriya ta samu kai wa zagaye na biyu a gasar cin kofin nahiyar Afirka, bayan da ta doke Uganda 3-1 ranar Talata.
Kenan Super Eagles ta haɗa maki tara a wasa uku a cikin rukuni, yayin da Uganda mai maki ɗaya ta yi ban kwana da wasannin.
Uganda ta samu ƙwana amma ba wani haɗari an fitar da ƙwallon
Salim Lawal ya canji Samuel Chukwueze.
An bai wa Chidozie Awaziem katin gargaɗi.
Ɗan wasan tawagar Najeriya Akor Adams ya canji Victor Osimhen, wanda ƙwallo ɗaya ya ci a Afcon a Morocco a karawa da Tunisiya.
Tawagar Uganda ta saka Jude Ssemugabi cikin fili ya kuma maye gurbin Uche Ikpeazu.
Har yanzu ana 1-1 tsakanin Tanzaniya da Tunisiya, kenan idan aka tashi haka Tunisiya ta kai zagaye na biyu da maki huɗu, ita kuwa Tanzaniya za ta samu maki biyu ta ukun teburi da kuma Uganda mai maki ɗaya.
Kenan Tanzaniya da Uganda ba za su kai zagayen gaba ba, domin ba su da makin da ake bukata da zaɓi huɗun da za a haɗa da 12 da ci gaba da zagaye na biyu a Afcon da Morocco ke karɓar bakunci.
Zaidu Sanusi ya canji Bruno Onyemaechi, sannan Tochukwu Nnadi ya maye gurbin Paul Onuachu.
Tawagar Uganda ta zare ƙwallo ɗaya ta hannun, Rogers Mato, wasan ya koma Uganda 1-3 Super Eagles
Asalin hoton, ge
Raphael Onyedika ya kara cin ƙwallo, kuma na biyu da ya zura a ragar Uganda.
Asalin hoton, Getty Images
Tun kafin Najeriya ta ci ƙwallo an bai wa Salim Magoola na Uganda Uganda jan kati.
Super Eagles ta ci ƙwallo na biyu ta hannun Raphael Onyedika
Ɗan wasan Najeriya Victor Osimhen ya nemi raga amma an tare an kwallon, bayan da ya samu tamaula ta wajen Samuel Chukwueze.
Ya kamata Super Eagles ta kara ƙwallo kada a farke wadda ta ci.
Asalin hoton, Getty Images
Tawagar Tanzaniya ta farke ƙwallo ta hannun Feisal Salum da ya buga ƙwallo daga wajen da'irar Tunisiya, bayan da Novatus Miroshi ya bashi tamaula
Kafin a koma zagaye na biyu Super Eagles ta canja, Chidozie Awaziem da ya maye gurbin mai tsaron baya, Calvin Bassey wanda tun farko aka baiwa katin gargaɗi saboda kada a samu kuskure ya yi ketar da za a yi masa jan kati.
Salim Magoola ya maye gurbin Denis Onyango mai tsaron raga da ya ji rauni.
Allan Okello ya maye gurbin Travis Mutyaba, sannan Steven Mukwala ya canji Denis Omedi.
