Yadda aka fafata a wasannin Premier mako na 14

Rahoto kai-tsaye

Buhari Muhammad Fagge and Umar Mikail

1. 1 Disamba 2019Arsenal: Yau ma ba ta sauya zani ba

   

   Asalin hoton, Getty Images

   Mai horarwa na rikon kwarya Freddie Ljunberg bai iya sauya sakamakon da Arsenal ta rika samu ba a baya-bayan nan sakamakon canjaras da ta buga 2-2 a filin wasa na Carrow Road.

   Arsenal ba ta yi nasara ba a cikin wasa shida a jere da ta buga a Premier - canjaras hudu, rashin nasara biyu - wanda shi ne mafi dadewa da ta yi a tarihinta tun a Disamban 1994 a karkashin mai horarwa George Graham.

   Norwich City ba ta bari wasa ya ci ta ba duk da cewa a gidanta aka fafata, wanda Aubameyang ya ci wa tagawar Gunners kwallo biyu.

   Norwich din ce ta fara jefa kwallo ta kafar Teemu Pukki a minti na 21 kafin Aubameyang ya farke ta a minti na 29.

   Aubameyang ne ya kara farke wa Arsenal kwallonta daga bugun finareti a minti na 57 bayan Cantwell ya kakaba mata a minti na 45+2. Sau biyu aka buga finaretin, inda VAR ta ce golan ya fita daga layi kafin Aubameyang ya buga.

   Kwallo 10 kenan Aubameyang ya ci a Premier ta bana, wanda kuma shi ne ya ci gaba da jagorancin 'yan wasan Arsenal a cikin fili wato kyaftin.

   Wannan sakamkaon ya mayar da Arsenal ta takwas a teburi da maki 19.

2. 1 Disamba 2019Leicester City ta ci gaba da jan zarenta a Premier, Leicester 2-1 Everton

   

   Asalin hoton, Getty Images

   Leicester City ta ci gaba da jan zarenta a Premier sakamakon lallasa Everton 2-1 da ta yi a wasan mako na 14.

   Har yanzu kungiyar ba ta yi rashin nasara a gidanta a Premier, sai dai a duka wasannin kakar bana da ta buga wannan na cikin wasannin da ta sha wuya kafin ta samu nasarar samun makinta.

   Tun a minti na 23 ne Richarlison jefa wa Liecester kwallo daya a raga, duk da cewa ita ce take rike da ragamar wasan.

   Bayan canjin da Liecester ta yi a minti na 62 - ta cire Ayoze Perez, Kelechi Iheanacho ya shigo - shi ne ya ba ta damar farke kwallonta a minti na 68, inda Jamie Vardy ya farke kuma wasa ya zama 1-1.

   Hakan ya sa Vardy ya zama dan wasan da ya fi kowanne zira kwallo a raga a Premier - ya ci 13.

   An yi karin minti shida bayan cikar minti 90, a lokacin ne Kelechi Iheanacho ya jefa kwallo ta biyu a ragar Everton, wadda ita ce kwallonsa ta farko cikin wasan Premier 25 da ya buga kuma ita ce ta farko a Premier bana.

   Sai da aka kai ruwa rana kafin na'iurar VAR ta tabbatar da kwallon da Iheanacho ya ci, inda aka yi njiran minti daya da dakika takwas. Kwallon dai ta zo da rudani, inda mataimakin alkalin wasa ya ce an yi satar gida.

   Leicester ce ke biye wa Liverpool baya a saman teburin Premier. Nasarar ta ba ta damara hada maki 32 - maki takwas a kasan Livedrpool din.

   Watford ce kungiyar gaba da Leicester za ta buga wasa da ita, kafin daga bisani ta je Manchester City sannan kuma ta karbi bakuncin Liverpool duka a watan Disamba.

3. 1 Disamba 2019Man United ta sake barar da damarta

   

   Asalin hoton, Getty Images

   Manchester United ta kara yin canjaras da Aston Villa 2-2, wanda shi ne na shida cikin wasa 14 da ta buga a bana.

   Aston Villa ce ta rike kwallon sosai a minti 45 na farkon wasan, kuma a minti na 11 ne Jack Grealish ya jefa kwallon farko.

   United ta samu damar farke kwallon ne a minti na 42 ta hannun mai tsaron ragar Aston Vill, wanda ya ci gidansu bayan da Rashford ya tunkuyi kwallon da kansa ta dawo ta daki bayan mai tsaron ragar.

   Bayan dawowa zagaye na biyu ne kuma Man United ta ci gaba da jan ragamar wasan yayin da Aston Villa ta makale a baya, a daidai minti na 64 ne Victor Lindelof ya kara saka kwallo ta biyu.

   Sai dai cikin abin da bai kai minti uku ba Tyrone Mings ya farke kwallon, inda wasa ya zama 2-2, kuma haka aka tashi.

   Da United ta ci wannan wasan da ta hada maki 20 kuma ta koma matsayi na biyar a teburin Premier.

   Manchester za ta karbi bakuncin Tottenham sannan kuma ta je Etihad a ranar 7 ga watan Disamba.

4. 1 Disamba 2019An tashi daga wasa, Leicester 2-1 Everton

5. 1 Disamba 2019Leicester 2-1 Everton, Leicester 2-1 Everton

   Kelechi Iheanacho ya ci kwallo mai tsada mai amfani mai kayatarwa a mintin karshe.

   Kwallonsa ta farko kenan a cikin wasan Premier 25 da ya buga.

6. 1 Disamba 2019GOAL '90+3, Leicester 2-1 Everton

7. 1 Disamba 2019Wasa ya kare, Man Utd 2-2 Aston Villa

8. 1 Disamba 2019Katin gargadi ga Shaw, Man United 2-2 Aston Villa

   Luka Shaw ya karbi katin gargadi sakamakon ketar da ya yi a tsakiyar fili.

9. 1 Disamba 2019Lingard ya kai hari, Man United 2-2 Aston Villa

   Lingard ya bi kwallo da gudu kuma ya buga ta raga amma Heaton ya hana ta wucewa.

   United ta bugo kwana amma Maguire ya yi keta.

10. 1 Disamba 2019Youri Tielemans, Leicester 1-1 Everton

    Youri Tielemans ya kai wani hari mai zafi sai dai ta bi gefen tirke ta fita waje.

11. 1 Disamba 2019Leicester ta yi canji, Leicester 1-1 Everton

    Harvey Barnes ya fita Marc Albrighton ya shigo.

12. 1 Disamba 2019An sauya Martial, Man United 2-2 Aston Villa

    Martial ya fita daga wasan, inda Greenwood ya karbe shi.

13. 1 Disamba 2019Martiallll, Man United 2-2 Aston Villa

    Saura kiris Anthony Martial ya kara ta uku amma ya kasa kwantar da kafarsa. Tsakaninsa da raga bai fi yadi 3 ba amma ya buga kwallo sama.

    An barar da kwallo a wurin nan

14. 1 Disamba 2019Vardyyyyyyyyyyy, Leicester 1-1 Everton

    Kiris ya hana Vardy ya kara da biyu, bayan wani kai da yasa kwallon ta tashi sama.

15. 1 Disamba 2019United ta yi canji, Man United 2-2 Aston Villa

    Lindgard ya karbi Juan Mata.

16. 1 Disamba 2019GOAL '67 Vardyyyy, Leicester 1-1 Everton

    'Yan Najeriya biyu ne suka yi aiki kafin ta je kafar Jemie Vardy, inda shi kuma ya yi abin da ya saba a cikin yadi na 18 daga bangaren hagu.

    Wilfred Ndidi ne ya jawo kwallon ya bai wa Ihenachio, shi kuma ya hango Vardy.

    Kwallo ta yi kyau sosai, ta 13 kenan Vardy ya zira a raga sama da kowane dan wasa a Premier ta bana.

17. 1 Disamba 2019GOAL '65, Man Utd 2-2 Aston Villa

    Kasa da minti biyu Mings ya kara kwallo a ragar United.

    Kamar walkiya haka United ta hau mataki na biyar a teburi suka sauko.

18. 1 Disamba 2019GOAL '63, Man United 2-1 Aston Villa

    Lindelof ne ya kara ta biyu, inda ya ci da ka sakamakon kwallon da Wan-Bissaka ya bugo a sama.

19. 1 Disamba 2019Leicester ta yi canji, Leicester 0-1 Everton

    Ayoze Perez ya fita Kelechi Iheanacho ya shigo.

20. 1 Disamba 2019Martial ya buga kwallo ta-ci, Man United 1-1 Aston Villa

    Martial ya buga kwallo ta-ci, irinta ta farko da ya buga a wasan.

    Sai dai Pickford bai bari ta je ko'ina ba, ya watso ta wajen yadi na 18.