Gane Mini Hanya: Kan matsalar wutar lantarki a Najeriya

Wani abu da ke ɗaurewa ‘yan Najeriya kai shi ne yadda har yanzu kasar ba ta fi ƙarfin wutar lantarkin da za ta wadatar da al’ummarta ba duk kuwa da cewa ta kwashe fiye da shekara 60 da samun ‘yancin kai.

Al’amarin ya kai ga yadda kididdigar dumbin kudaden da gwamnatocin kasar suke kashewa kan fannin na neman kubcewa masu bin diddigi.

A yanzu haka dai za a iya cewa wuraren da suke samun wutar lantarki awa 24 a kullum a mako guda ba su da yawa.

Usman Minjibir ya yi mana duba dangane da batun karancin wutar lantarkin a Najeriya ga kuma rahotonsa na musamman.