Ind Vs Pak : વર્લ્ડ કપમાં પાકિસ્તાનને હરાવવાનો ભારતનો રેકર્ડ યથાવત્

લાઇવ કવરેજ

1. 17 જૂન 2019વિરામ નહીં અલ્પવિરામ

   આ સાથે અમે આજના કવરેજને વિરામ આપીએ છીએ. દેશ-વિદેશના સમાચાર જાણવા માટે અમારી સાથે આ રીતે જ જોડાયેલાં રહો.

2. 17 જૂન 2019વિજયનો રેકર્ડ યથાવત્, શર્મા મૅન ઑફ ધ મૅચ

   વર્લ્ડ કપ ટુર્નામેન્ટમાં પાકિસ્તાનને પરાજય આપવાનો રેકર્ડ ભારતે જાળવી રાખ્યો છે. અત્યાર સુધી રમાયેલી તમામ સાત મૅચમાં ભારતે પાકિસ્તાનને પરાજય આપ્યો છે.

   140 રન બનાવનારા રોહિત શર્માને 'પ્લેયર ઑફ ધ મૅચ' જાહેર કરવામાં આવ્યા છે.

3. 17 જૂન 2019DL મુજબ ભારતે આપ્યો પરાજય

   વર્લ્ડ કપમાં ભારતે પાકિસ્તાનને 89 રને પરાજય આપ્યો છે. પાકિસ્તાનની ટીમ 40 ઓવરમાં છ વિકેટ ગુમાવીને માત્ર 212 રન બનાવી શકી હતી.

   વર્લ્ડ કપ ટુર્નામેન્ટમાં આ ભારતનો સળંગ ત્રીજો વિજય હતો.

4. 16 જૂન 2019પાકિસ્તાનનો સ્કોર છ વિકેટે 182 રન

   37 ઓવરના અંતે પાકિસ્તાને છ વિકેટ ગુમાવીને 182 રન બનાવ્યા છે. તેને 18 બૉલમાં 120 રન બનાવવાના છે.

5. 16 જૂન 2019ડકવર્થ લુઇસ મુજબ શું?

   35 ઓવરના અંતે પાકિસ્તાન છ વિકેટે 166 રન ઉપર હતું. ડકવર્થ લુઇસ પ્રમાણે, પાકિસ્તાને 252 રન બનાવવાના થાય. આમ ભારત હરીફ રાષ્ટ્ર કરતાં 86 રન આગળ છે.

6. 16 જૂન 2019વરસાદને કારણે મૅચ ફરી અટકી

   ભારત અને પાકિસ્તાન વચ્ચે ચાલી રહેલી મૅચ વરસાદને કારણે ફરીથી અટકાવવી પડી છે.

   35 ઓવરમાં પાકિસ્તાનનો સ્કોર 166-6 હતો.

7. 16 જૂન 2019શોએબ મલિક આઉટ થયા ત્યારે...

   ટેનિસ સ્ટાર સાનિયા મિર્ઝાના પતિ તથા પાકિસ્તાની બૅટ્સમૅન શોએબ મલિકને પ્રથમ બૉલે આઉટ કર્યા, ત્યારે સ્ટેડિયમમાં હરખની હેલી ફરી વળી હતી.

8. 16 જૂન 2019શું છે Round Robin Format?

   વર્લ્ડ કપ 2019માં Round Robin Format લાગુ કરવામાં આવ્યું છે. ભારત અને પાકિસ્તાન વચ્ચેની હાઈ-વોલ્ટેજ મૅચ પૂર્વે જાણો શું છે આ ફૉર્મેટ

9. 16 જૂન 2019'આપણે જ જીતીશું'

   દક્ષિણ ભારતીય ફિલ્મજગતના સંગીતકાર અનિરુદ્ધ રવિચંદર તથા દક્ષિણ ભારતના ફિલ્મ અભિનેતા શિવના કાર્તિકેયન મૅચ જોવા પહોંચ્યા હતા. અનિરુદ્ધે ટ્વીટ કરીને લખ્યું, 'આપણે જ જીતીશું.'

10. 16 જૂન 2019પાકિસ્તાનની પાંચ વિકેટ પડી

    એક બાદ એક વિકેટ પડતાં પાકિસ્તાન મુશ્કેલ સ્થિતિમાં આવી ગયું છે.

    129 રનમાં પાકિસ્તાને 5 વિકેટ ગુમાવી દીધી છે.

    હાર્દિક પંડ્યાએ બે દડા પર પાકિસ્તાનની બે વિકેટો ખેડવી હતી.

    હાર્દિકે મોહમ્મદ હાફિઝ અને શોએબ મલિકની વિકેટ લીધી હતી.

    હાફિઝ 9 રન બનાવી શક્યા હતા જ્યારે શોઅેબ ખાતું પણ ખોલાવી નહોતા શક્યા.

11. 16 જૂન 2019'રોહિત ઉપર દબાણ હતું'

    રોહિત શર્માના કોચ દિનેશ લાડે બીબીસી સંવાદદાતા જ્હાનવી મૂળે સાથે વાત કરતા કહ્યું, "ભારત અને પાકિસ્તાન સામેની મૅચમાં યુદ્ધ જેવી સ્થિતિ હોય છે. શરૂઆતના સમયમાં સાવધાનીપૂર્વક રમવાનું હોય છે અને રોહિતે શરૂઆતમાં ધીરજ દાખવી. તેની ઉપર આજે ભારે દબાણ હતું."

    "રાહુલે તેની સાથે સારી ઇનિંગ્ઝ રમી અને સારો સ્કોર ખડકવામાં ભારતને સફળતા મળી. સામાન્ય રીતે ધવન આક્રમક રમત રમે, ત્યારે રોહિત ધીરજપૂર્વક રમે. આજે રાહુલે આક્રમક રમત રમી અને ધવનની ખોટ સાલવા ન દીધી."

    "શરૂઆતમાં રોહિત ઉપર દબાણ હતું, પરંતુ બાદમાં તે દબાણ હટી ગયું અને તેણે સારી રમત રમી."

12. 16 જૂન 2019પાકિસ્તાને સદી પૂર્ણ કરી

    પાકિસ્તાને એક વિકેટના નુકસાને 21.5 ઓવરમાં 4.67ની રનરેટે રમતાં 102 રન કરી લીધા છે.

    ફખર ઝમાન અર્ધીસદી કરી ચૂક્યા છે. જ્યારે બાબર આઝમ પણ 44 રન કરી ચૂક્યા છે.

    આ પહેલાં ઇમામ-ઉલ-હકને વિજય શંકરે એલબીડબલ્યૂ આઉટ કર્યા હતા.

13. 16 જૂન 2019પાકિસ્તાની સેના દ્વારા ગોળીબાર

    ન્યૂઝ એજન્સી એએનઆઈના રિપોર્ટ પ્રમાણે, રવિવારે મોડી સાંજે જમ્મુ અને કાશ્મીરના પૂંછ સૅક્ટરમાં પાકિસ્તાનની સેના તરફથી ગોળીબાર કરવામાં આવ્યો હતો, જેનો ભારતીય સેનાએ પણ વળતો જવાબ આપ્યો હતો.

14. 16 જૂન 2019ક્રિકેટપ્રેમીઓની ઉત્સુક્તા

    ભારત અને પાકિસ્તાન વચ્ચેની હંમેશાં ક્રિકેટપ્રેમીઓની ઉત્સુકતા વધારતી હોય છે.

    આજની મૅચ 100 કરોડથી વધુ લોકો નિહાળી રહ્યા હોવાના મીડિયા રિપોર્ટ્સ છે.

    ક્રિકેટરસિયા જ્યાં મળે ત્યાં આ મૅચ જોઈ રહ્યા છે.

15. 16 જૂન 2019ભુવનેશ્વર ઘાયલ, ભારત ચિંતાગ્રસ્ત

    ભુવનેશ્વરના સ્નાયુ ખેંચાયા હતા, જેના કારણે બૉલિંગક્ષેત્રે ભારતની મુશ્કેલી વધી શકે છે. ભારતીય ટીમના સ્પીનર અશ્વિન રવિચંદ્રને તેની ઉપર ચિંતા પ્રગટ કરી હતી.

16. 16 જૂન 2019પહેલી બૉલ, પહેલી વિકેટ

    વિજય શંકર વિશ્વના ત્રીજા એવા બૉલર બન્યા છે કે જેમણે વર્લ્ડ કપ ટુર્નામેન્ટમાં પહેલો જ બૉલ નાખ્યો હતો અને વિકેટ લીધી હતી.

    અગાઉ ઈયાન હાર્વે (ઑસ્ટ્રેલિયા) તથા મલાચી જોન્સ (બર્મુડા)ના બૉલર્સે આ સિદ્ધિ મેળવી હતી.

17. 16 જૂન 2019'પાકિસ્તાન...પાકિસ્તાન...'

    ભારત અને પાકિસ્તાન વચ્ચે રમાઈ રહેલી મૅચ દરમિયાન પાકિસ્તાનના પ્રશંસકો કંઈક આવા અંદાજમાં જોવા મળ્યા હતા.

18. 16 જૂન 2019પાકિસ્તાનને પ્રથમ ઝટકો

    પાકિસ્તાનને પાંચમી ઓવરમાં પ્રથમ ઝટકો લાગ્યો. ઇમામ ઉલ હકને વિજય શંકરે પોતાના પ્રથમ દડામાં જ એલબીડબલ્યૂ આઉટ કર્યા.

    હક માત્ર સાત રન બનાવી શક્યા. આ પહેલાં ભુવનેશ્વર કુમારે પાંચમી ઓવરના ચાર દડા ફેંક્યા હતા પણ સ્નાયુ ખેંચાઈ જતાં તેમને મેદાનમાંથી બહાર જવું પડ્યું.

    આ ઓવરને પૂરી કરવા માટે વિજય શંકરને બૉલ સોંપવામાં આવ્યો હતો અને તેમને પ્રથમ દડે જ સફળતા મળી.

19. 16 જૂન 2019મેદાનમાં માવરા હોકેન

    પાકિસ્તાની મૉડલ માવરા હોકેન તેમની ટીમને ચિયર કરવા માટે પહોંચ્યાં હતાં.

20. 16 જૂન 2019માનચૅસ્ટર ખાતે મૅચ અટકી હતી?

    માનચૅસ્ટરના ઑલ્ડ ટ્રેફૉર્ડ સ્ટેડિયમ ખાતે વરસાદને કારણે મૅચ અમુક સમય માટે અટકી હતી. જોકે, બહાર ક્રિકેટપ્રેમીઓનો ઉત્સાહ ચરમ પર રહ્યો હતો અને તેમણે પોતાની 'ઇનિંગ્ઝ' ચાલુ રાખી હતી.