બ્રેકિંગ, ગુજરાતના નવા મંત્રીઓને કરાઈ ખાતાંની ફાળવણી, કોને શું મળ્યું?
આ લેખમાં X દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં X કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.
X કન્ટેન્ટ પૂર્ણ
ગુરુવારે ગુજરાતના નવા મંત્રીમંડળની જાહેરાત અને શપથવિધિનો સમારોહ પૂરો થતાં જ ખાતાંની ફાળવણીની વિગતો પણ સામે આવી ગઈ છે.
ખાતાંની ફાળવણી અંગે જાણવા મળેલ વિગતો મુજબ મુખ્ય મંત્રી ભૂપેન્દ્ર પટેલે પોતાની પાસે સામાન્ય વહીવટી વિભાગ, વહીવટી સુધારણા, ગૃહ અને પોલીસ હાઉસિંગ અને માહિતી અને પ્રસારણ જેવાં મહત્ત્વનાં ખાતાં રાખ્યાં છે.
જ્યારે કૅબિનેટ મંત્રી તરીકે શપથ લેનાર અને અગાઉ વિધાનસભાના અધ્યક્ષ તરીકે ફરજ બજાવનાર રાજેન્દ્ર ત્રિવેદીને મહેસૂલ, આપત્તિ વ્યવસ્થાપન અને કાયદા અને ન્યાયતંત્રની જવાબદાર સોંપાઈ છે.
જીતુ વાઘાણીને શિક્ષણ, ઋષિકેશ પટેલને આરોગ્ય અને પરિવારકલ્યાણ અને તબીબી શિક્ષણની જવાબદારીની સોંપણી કરાઈ છે. તેમજ પૂર્ણેશ મોદીને માર્ગ અને મકાન અને વાહનવ્યવહારનાં ખાતાં સોંપાયાં છે.
રાઘવજી પટેલને કૃષિ, કનુભાઈ દેસાઈને નાણા અને ઊર્જા, કિરીટસિંહ રાણાને વન અને પર્યાવરણ, નરેશ પટેલને આદિજાતિ વિકાસ, પ્રદીપસિંહ પરમારને સામાજિક ન્યાય અને અધિકારીતા તેમજ અર્જુનસિંહ ઉદેસિંહ ચૌહાણને ગ્રામવિકાસની જવાબદારી સોંપાઈ છે.
આ સિવાય રાજ્યકક્ષાના મંત્રી તરીકે સ્વતંત્ર હવાલા માટે પસંદ કરાયેલ મંત્રીઓ પૈકી હર્ષ સંઘવીને રમતગમત અને ગૃહ અને પોલીસ હાઉસિંગ, જગદીશ વિશ્વકર્માને કુટિરઉદ્યોગ, બ્રિજેશ મેરજાને શ્રમ અને રોજગાર અને પંચાયત (સ્વતંત્ર હવાલો), જીતુભાઈ ચૌધરીને કલ્પસર અને મત્સ્યોદ્યોગ અને મનીષાબહેન વકીલને મહિલા અને બાળકલ્યાણ ખાતું સોંપાયું છે.
આ સિવાય રાજ્યકક્ષાના મંત્રીઓ તરીકે શપથ લેનારા મંત્રીઓ પૈકી મુકેશભાઈ પટેલને કૃષિ અને ઊર્જા, નિમીષાબહેન સુથારને આદિજાતિવિકાસ, અરવિંદભાઈ રૈયાણીને વાહનવ્યવહાર, કુબેરભાઈ ડીંડોરને ઉચ્ચ અને તાંત્રિક શિક્ષણ, કીર્તિસિંહ વાઘેલાને પ્રાથમિક, માધ્યમિક અને પ્રૌઢ શિક્ષણ જેવાં ખાતાં સોંપાયાં છે.
આ ઉપરાંત ગજેન્દ્રસિંહ પરમારને અન્ન નાગરિક પુરવઠો, આર. સી. મકવાણાને સામાજિક ન્યાય, વિનોદભાઈ મોરડિયાને શહેરી વિકાસ અને દેવાભાઈ માલમને પશુપાલનનાં ખાતાં સોંપાયાં છે.
