શ્રીલંકામાં આર્થિક સંકટ : કલાકો સુધી વીજળી ગુલ થવાથી ઉદ્યોગો પરેશાન, રાષ્ટ્રપતિના રાજીનામાની માગ સાથે વિરોધપ્રદર્શન

ભારતના દક્ષિણમાં આવેલો ટાપુ દેશ શ્રીલંકા ભયંકર આર્થિક સંકટનો સામનો કરી રહ્યું છે.

ખાન-પાનનો સામાન, દૂધ, ગૅસ, કેરોસીન અને દવાઓ જેવી રોજિંદી જરૂરિયાતની વસ્તુઓના ભાવ આસમાને છે. 12-13 કલાક એટલે કે અડધા અડધા દિવસ સુધી લાઇટ નથી હોતી, પેટ્રોલ-ડીઝલ માટે એટલી મારામારી છે કે પેટ્રોલ પંપો પર સૈન્ય મૂકી દેવું પડ્યું છે.

વીજળી ન મળવાને કારણે સામાન્ય લોકોના જીવન પર અસર થઈ રહી છે તેવી રીતે ઉદ્યોગ-ધંધા પણ ખરાબ રીતે પ્રભાવિત થઈ રહ્યા છે.

હેરાન-પરેશાન લોકો માર્ગો પર ઊતરી આવ્યા છે. તેઓ રાષ્ટ્રપતિ ગોટાબાયા રાજપક્ષે સત્તા છોડી દે એવી માગ કરી રહ્યા છે, સૂત્રો પોકારી રહ્યા છે - 'ગો ગોટાબાયા ગો'.

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો