Afrobasket – Rwanda: Nyuma ya Angola ‘turashaka igikombe, nibakiduhe’ – Umufana

Inyandiko gusa
Kenny Gasana wayoboye abandi muri uyu mukino akanatsinda amanota menshi,18

Ahavuye isanamu, BBC Gahuza

Insiguro y'isanamu, Kenny Gasana wayoboye abandi muri uyu mukino akanatsinda amanota menshi,18

Jean Jacques Wilson Nshobozwabyosenumukiza wabigizemo uruhare atsinda amanota 5 akanugarira cyane yabwiye BBC ati: "Ni ikintu gikomeye kubona dutsinda ikipe ikomeye muri Africa."

Mu kiganiro n'abanyamakuru, Kenny Gasana watsinze amanota 18 muri uyu mukino yagize ati: "Abafana nabo babigizemo uruhare runini, umurindi wabo wari ukomeye cyane".

Uko uyu mukino warangiye ( Angola 68 - 71 Rwanda) biri mu byatunguranye cyane muri iki gikombe cya Africa cya Basketball mu bagabo kiri kubera i Kigali.

Kuri Twitter, minisitiri w'imikino Aurore Mimosa Munyangaju ati: "…Muduhaye ibyishimo! Hahiye…"

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa

Ubwo Angola iheruka gukina n'u Rwanda mu 2007 i Luanda ku nshuro ya mbere u Rwanda rwari rugeze muri Afrobasket, Nshobozwabyosenumukiza yari afite imyaka umunani gusa.

Icyo gihe Angola yatsinze u Rwanda amanota 109 kuri 66.

Ikipe y'u Rwanda ya Afrobasket ya 2007 yakinnye na Angola i Luanda

Ahavuye isanamu, Fidel Kajugiro Sebarinda

Insiguro y'isanamu, Ikipe y'u Rwanda ya Afrobasket ya 2007 yakinnye na Angola i Luanda

15. Barame Abubacar14. Matt Miller 13. Ndugu Gaylord 11. Luc Trinot10. Hamza Ruhezamihigo19. Roberts Thompson 9. Manix Orienthal - Inyuma ye Mugunga Louis6. Gakari René 5. Karim Aimé Nkusi4. Kajeguhakwa Gedeka (Bunene) 8.Muhire Bertrand (niwe wari capitaine)

Eduardo Mingas ubu niwe kapiteni wa Angola i Kigali, no mu 2007 yari mu bakinnyi batsinze u Rwanda i Luanda mu gikombe cya Africa.

Skip Ibisomwa cane and continue reading
Ibisomwa cane

End of Ibisomwa cane

Mingas ubu ufite imyaka 42, yabwiye abanyamakuru ati: "ibintu byarahindutse, u Rwanda ubu rufite abakinnyi bakomeye."

Avuga ko ikipe ye hari abakinnyi yaburaga, ariko n'urwego rwayo rutameze "nk'urwo twariho mu myaka 10, 15 ishize". Angola yatwaye ibikombe 11 nk'iki bari guhatanira.

Mu kiganiro n'abanyamakuru Mingas (iburyo) n'umutoza wa Angola

Ahavuye isanamu, BBC Gahuza

Insiguro y'isanamu, Mu kiganiro n'abanyamakuru Mingas (iburyo) n'umutoza wa Angola

Nshobozwabyosenumukiza w'imyaka 22, yabwiye BBC ko gutsinda Angola ubu ari "ibintu byerekana ko basket yo mu Rwanda yateye imbere".

Ibi ariko byashimangirwa n'uko ikipe y'u Rwanda yaba itwaye iki gikombe, ikipe ubundi itari mu zihabwa amahirwe iri rushanwa rijya gutangira.

Cheikh Sarr umunya-Senegal utoza u Rwanda yabwiye abanyamakuru ati: "Twinjiye muri iri rushanwa turi mu badahabwa amahirwe ariko nyuma y'uyu mukino [na Angola] murabona ko byose bishoboka."

Evelyne Uwimana, umufana wa Basketball wari kuri Kigali Arena mu ijoro ryo kuwa kane areba uyu mukino yabwiye BBC ko nyuma yo gutsinda Angola ubu hari ikindi basaba Amavubi.

Ati: "Izina Angola turarizi, sinatekereza ko twatsinda Angola, none turayitsinze. Ubu rero icyo tubasaba ni uko iki gikombe kitava hano iwacu, turagishaka nibakiduhe."

Ikipe y'u Rwanda kuwa gatanu mu gitondo iri kwitegura umukino wa Cap-Vert uzaba kuwa gatandatu

Ahavuye isanamu, BBC Gahuza

Insiguro y'isanamu, Ikipe y'u Rwanda kuwa gatanu mu gitondo iri kwitegura umukino wa Cap-Vert uzaba kuwa gatandatu

Gutwara iki gikombe cya Africa ariko ni urugamba, amakipe nka Tunisia, Senegal, Misiri na Nigeria zagaragaje urwego rukomeye, ziri mu zihabwa amahirwe.

Mu itsinda u Rwanda rurimo nirwo rumaze gutsinda imikino ibiri, mu gihe rutegereje umukino w'ejo na Cap-Vert, ikipe yatsinze Angola ariko kuwa kane igatsindwa na DR Congo.

Amavubi akeneye gutsinda uyu mukino kugira ngo azamuke mu matsinda ari imbere, biyongerere igitinyiro mu yandi makipe no kuba yagera mu mikino ya nyuma.