U Rwanda rwakiriye impunzi zirenga 100 ziturutse muri Libya

Inyandiko gusa
Bamwe mu mpunzi 103 ziturutse muri Libya, bari bageze ku kibuga mpuzamahanga cy'indege cya Kigali, ku wa kane nijoro

Ahavuye isanamu, MINISTRY IN CHARGE OF EMERGENCY MANAGEMENT

Insiguro y'isanamu, Bamwe mu mpunzi 103 ziturutse muri Libya, ubwo bari bageze ku kibuga mpuzamahanga cy'indege cya Kigali, ku wa kane nijoro

Leta y'u Rwanda yaraye yakiriye impunzi 103 zo mu cyiciro cya 10 cy'abavuye muri Libya.

Bagizwe n'Abanya-Eritrea 68, Abanya-Sudan 33, umwe wo muri Sudan y'Epfo n'umwe wo muri Ethiopia, nkuko bitangazwa na minisiteri ishinzwe ibikorwa by'ubutabazi.

Aba ni ababa baheze muri Libya mu rugendo rwabo rwo kwerekeza i Burayi gushakisha imibereho myiza, banyuze mu nyanja ya Méditerranée.

Mu Rwanda, bacumbikirwa by'igihe gito mu nkambi yubatse mu murenge wa Gashora mu karere ka Bugesera mu burasirazuba bw'igihugu.

Leta y'u Rwanda yakira izi mpunzi mu gikorwa yise icy'ubutabazi kubera akaga ziba zirimo muri Libya irangwamo umutekano mucye.

Izo mu cyiciro cya mbere zari zifungiwe mu bigo muri Libya.

Skip content and continue reading

End of content

Ni gahunda ijyanye n'amasezerano yo mu mwaka wa 2019 leta y'u Rwanda yagiranye n'ishami ry'umuryango w'abibumbye ryita ku mpunzi (UNHCR) hamwe n'umuryango w'Ubumwe bw'Afurika (AU/UA).

Muri uwo mwaka, aya masezerano yatumye impunzi hafi 650 zizanwa mu Rwanda mu ngendo esheshatu z'indege.

Skip Ibisomwa cane and continue reading
Ibisomwa cane

End of Ibisomwa cane

Icyo gihe, Perezida w'u Rwanda Paul Kagame yabwiye inteko rusange y'umuryango w'abibumbye ko ibi ari ikimenyetso ko "Afurika ubwayo na yo ni ahantu hava bisubizo", asaba ibindi bihugu by'Afurika "kugira ubufatanye nk'ubu".

Ishyaka PS-Imberakuri ritavuga rumwe n'ubutegetsi - igice cyaryo kitemewe n'amategeko mu Rwanda - ryo ryavuze ko izi mpunzi zidakwiye koherezwa mu Rwanda kuko "ubutegetsi buhonyanga uburenganzira bwa muntu harimwo n'ubw'impunzi".

Itsinda ry'abimukira 103 baturutse muri Libya, ubwo bari bageze ku kibuga mpuzamahanga cy'indege cya Kigali, mu ijoro ryo ku itariki ya 18 y'ukwezi kwa munani mu 2022

Ahavuye isanamu, MINISTRY IN CHARGE OF EMERGENCY MANAGEMENT

Insiguro y'isanamu, Itsinda ry'impunzi 103 ziturutse muri Libya, ubwo zari zigeze ku kibuga mpuzamahanga cy'indege cya Kigali, ku wa kane nijoro

Kuva mu kwezi kwa cyenda mu 2019, inkambi ya Gashora imaze kwakira impunzi zigera ku 1,055, nkuko bitangazwa n'ikinyamakuru The New Times kibogamiye ku butegetsi.

Mbere y'iki cyiciro cya 10 cyageze mu Rwanda, iyi nkambi yari isigayemo impunzi 457, mu gihe izindi zatujwe mu bindi bihugu nka Canada, Ubufaransa na Suède, nkuko The New Times ibitangaza.