Abangilikani bo muri GAFCON bitandukanyije na Canterbury mu Bwongereza

Umuyobozi w'akanama k'ihuriro ry'amatorero y'Abangilikani ku isi kazwi nka GAFCON, yatangaje ko yikuye ku buyobozi bwa Cantebury mu Bwongereza busanzwe bufatwa nk'ubuhagarariye amatorero y'Abangilikani ku isi.

Bikurikiye ibyavuzwe na Musenyeri mukuru wa Canterbury, Justin Welby, yamagana itegeko ryatowe n'inteko ishinga amategeko ya Uganda rigenera igifungo ku bantu bakora imibonano y'ibitsina bisa cyangwa abatinganyi.

Musenyeri mukuru Laurent Mbanda uyobora GAFCON, avuga ko iri huriro ryababajwe n'uko umuyobozi wa Cantebury, Musenyeri mukuru Justin Welby, "ababajwe n'ibibazo bidafite akamaro aho kubabazwa n'ibibazo byamunze umuryango w'itorero ry'Abangilikani ku buyobozi bwe".

Mu itangazo ryashyizweho umukono na Musenyeri mukuru Mbanda, rinavuga ko GAFCON itakemera ubuyobozi bwa Musenyeri Welby.

Prudent Nsengiyumva yavuganye na Musenyeri mukuru Laurent Mbanda abanza kumubaza icyatumye basohora iryo tangazo (umva icyo kiganiro aho hejuru).