Imvo n'Imvano yaganiriye na M23, FDLR na Wazalendo ku birego byo gusahura umutungo wa RD Congo (igice cya kabiri)

Inyandiko gusa
Insiguro y'amajwi,

Mu Mvo n'Imvano yo kuri uyu wa gatandatu tariki 12 z'ukwa 10 mu 2024, nk'uko twabibemereye ubushize, tubagezaho igice cya kabiri cy'ikiganiro twabagejejeho kuwa gatandatu ushize.

Ikiganiro cyavugaga ku magambo yavuzwe n' Intumwa yihariye y'umunyamabanga mukuru w'Umuryango w'Abibumbye (ONU) muri Repubulika ya Demokarasi ya Congo, umutegarugore Bintou Keita, wavuze ko inyeshyamba za M23 zirwanya ubutegetsi bwa Kinshasa, zinjiza amadolari ibihumbi 300 y'Amerika ku kwezi, avuye mu bucukuzi bw'amabuye y'agaciro mu gace ka Rubaya mu ntara ya Kivu ya Ruguru.

Ibyo Bintou Keita yabibwiye akanama k'umuryango w'abibumbye gashinzwe umutekano, kw'itariki 30 z'ukwezi gushize kwa 9.

Bintou Keita yavuze ko gushinga imizi kw'ubutegetsi bwa M23 muri teritwari za Masisi na Rutshuru "byatumye ishobora kugenzura byuzuye umusaruro wa coltan" yaho.

Yavuze ko imitwe yitwaje intwaro mu burasirazuba bwa DR Congo yahindutse "abikorera bitwaje intwaro".

Muri iyo mitwe harimo n'uwa FDLR n'aba Wazalendo batunzwe gatoki mu cyegeranyo cya ONU cyakozwe n'inzobere cyashyizwe ahagaragara mu kwezi kwa 6 k'uyu mwaka wa 2024.

Abatumire bacu muri icyo kiganiro bari Dr Oscar Balinda, uvugira umutwe wa M23 / AFC, twari kumwe kandi na Cure Ngoma, umuvugizi wa FDLR, hamwe rero na Col Mvano Bahati ushinzwe guhuza igisirikare n'abaturage muri Wazalendo.

Muri kino gice cya kabiri kandi turaza kubagezaho n'ibyo abatwandikiye bavuze ku kiganiro cyahise kuwa gatandatu ushize.

Skip Ibisomwa cane and continue reading
Ibisomwa cane

End of Ibisomwa cane

Iki kiganiro mwagiteguriwe kandi murakigezwaho na Felin Gakwaya

Abagabo barimo gutandukanya amabuye y'agaciro bayakuramo ibitare n'umucanga, ku itariki ya 28 Gicurasi (5) mu mwaka wa 2013, hafi y'ikirombe cya Mudere, hanze ya Rubaya, kuri kilometero 9 uvuye mu mujyi wa Goma muri Repubulika ya Demokarasi ya Congo.

Ahavuye isanamu, AFP