Amavugurura mu gisirikare cy'u Rwanda agamije iki? Ibisobanuro by'umusesenguzi

Perezida w'u Rwanda Paul Kagame yarahije Minisitiri w’ingabo n’abayobozi bashya bakuru b’ingabo z’icyo gihugu nyuma y’amavugurura yakoze kuwa mbere w’iki cyumweru.

Ayo mavugurura yakomeje ku munsi w’ejo aho yirukanye mu ngabo z'u Rwanda (RDF) abasirikare barenga 200 barimo n'aba Jenerali.

Ntibyari bisanzwe ko Perezida Kagame avugurura inzego z’igisirikare n’ubutasi mu munsi umwe, gusa Perezida Kagame yavuze ko izo impinduka nta kidasanzwe cyabaye.

Twashatse kumenya icyo abasesenguzi bakurikiranira hafi politike yo mu karere k'ibiyaga bigari bavuga kuri aya mavugurura maze Jacques Niyitegeka avugana na Dogiteri Omar Khalfan, umuhanga mu bya politike aba muri Amerika (umva icyo kiganiro aho hejuru).