Ibikoresho bya Internet ya Starlink ntibyemerewe kwinjira muri Uganda bidahawe uruhushya na Gen Muhoozi

Inyandiko gusa
Umugaba Mukuru w'Ingabo, Jenerali Muhoozi Kainerugaba mu mpuzankano ya gisirikari

Ahavuye isanamu, Getty Images

Insiguro y'isanamu, Ibikoresho bya Starlink bigomba guhabwa uruhushya n'Umugaba Mukuru w'Ingabo, Jenerali Muhoozi Kainerugaba

Ikigo cy'Igihugu gishinzwe Imisoro n'Amahoro cya Uganda (URA) cyatangaje ko kwinjiza ibikoresho bya internet y'ikigo Starlink mu gihugu bisaba uburenganzira butangwa n'umugaba mukuru w'ingabo.

Ibi bitangajwe mu gihe habura iminsi itageze ku kwezi ngo muri Uganda habe amatora ya perezida wa Repubulika.

Mu butumwa bwo ku wa 19 Ukuboza 2025, Ikigo cy'Igihugu gishinzwe Imisoro n'Amahoro cya Uganda (URA) cyategetse ko buri cyuma cya Starlink, cyangwa sisitemu y'itumanaho rishingiye ku byogajuru, kizajya cyinjizwa mu gihugu gifite uruhushya rwatanzwe n'Umugaba Mukuru w'Ingabo.

Muri iyo nyandiko, URA yagize iti: "Icyemezo cyose cyo gutumiza ibikoresho bijyanye na Starlink kigomba kuba gifite urwandiko rw'uruhushya rwatanzwe n'Umugaba Mukuru w'Ingabo za Uganda People's Defence Forces (UPDF)."

Uwo ni Jenerali Muhoozi Kainerugaba, akaba ari n'umuhungu wa Perezida Yoweri Museveni urimo guhatanira indi manda.

Aya mabwiriza yanenzwe n'abanyapolitiki batavuga rumwe n'ubutegetsi bacyeka ko hashobora kuba hari umugambi wo guhagarika internet mu gihe cy'amatora ateganyijwe ku itariki ya 15 Mutarama (1).

Mu matora yo mu mwaka wa 2021, leta yakuyeho internet mu gihugu hose.

Umunyapolitiki utavuga rumwe n'ubutegetsi, Robert Kyagulanyi Ssentamu uzwi cyane nka Bobi Wine, akaba ari n'umukandida ku mwanya wa Perezida, yamaganye iki cyemezo, avuga ko ari bumwe mu buryo bwo 'kwiba amajwi.'

Skip Ibisomwa cane and continue reading
Ibisomwa cane

End of Ibisomwa cane

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: BBC ntibazwa ibiva ku zindi mbuga.

Impera ya X ubutumwa

Perezida Museveni, ufite imyaka 81, akaba amaze hafi imyaka 40 ku butegetsi, arimo guhitanira manda ya karindwi.

Museveni azaba ahanganye cyane cyane na Bobi Wine, umuhanzi w'icyamamare, waje ku mwanya wa kabiri mu matora yo mu mwaka wa 2021.