Imvo n'Imvano: Kuki Amavubi n'Intamba mu Rugamba zirimo kugorwa no kubona itike ya CHAN?

Insiguro y'amajwi, Kanda hano wumve iki kiganiro mwateguriwe na Yves Bucyana
Imvo n'Imvano: Kuki Amavubi n'Intamba mu Rugamba zirimo kugorwa no kubona itike ya CHAN?

Igitondo cyiza mwese abateze amatwi BBC,none ni kuwa gatandatu tariki 6 z'ukwezi kwa 9 umwaka wa 2025-Tugeze mu mwanya w'ikiganiro Imvo n'Imvano,uyu munsi turagaruka ku irushanwa ry'igikombe cy'afrika cy'abakinnyi bakina za shampiona z'imbere mu bihugu rizwi nka CHAN.

Irushanwa ry'uyu mwaka ryarangiye ryegukanywe n'ikipe y'igihugu ya Maroc itsinze ku mukino wa nyuma iya Madagascar ibitego 3-2 ,umukino wa nyuma wabereye mu gihugu cya Kenya.

Ni irushanwa ryateguwe n'ibihugu bitatu; Tanzania, Kenya na Uganda mu rwego rwo gupima kwitegura kw'ibyo bihugu irushanwa ry'igikombe cy'africa cy'ibihugu rizwi nka AFCON ryo rihuza abakinnyi barimo n'ababigize umwuga.irushanwa rizaba muri 2027.

Mu bihugu 19 yatsindiye kujya mu mikino ya nyuma,u Rwanda n'u Burundi ntibyarimo-hari benshi bibaza ku iterambere ry'umupira w'ibi bihugu bidashobora no kubona itike y'irushanwa nka CHAN

Abavuganye na BBC babona ko shampiona y'umupira w'amaguru mu Rwanda ikiri ku rwego rwo kwiyubaka- Ku Burundi, ngo umupira w'aho udindizwa cyane n'ibibazo by'amikoro bigatuma abakinnyi bazi umupira bata shampiona y'iwabo bakigira mu bihugu bibahemba neza.