Muri Masisi Centre hari "agahenge" nyuma yo gufatwa na M23

Mu burasirazuba bwa Repubulika ya demokarasi ya Congo mu mujyi wa Masisi rwagati, hazwi nka Masisi Centre, haravugwa agahenge kuva y'aho hafatiwe n'inyeshyamba zo mu mutwe wa M23 ejobundi kuwa gatandatu.

Aho ni nyuma y'iminsi imirwano ica ibintu mu nkengero za Masisi hagati y'ingabo za leta n'uwo mutwe.

Hagati aho ariko imirwano irakomeje mu tundi duce tw'iyo territoire ya Masisi, imirwano irimo gusiga abanyagihugu mu gihirahiro.

Jacques Niyitegeka yavuganye na Olivier Kanyejomba, umukuru w'ishyirahamwe ritegamiye kuri leta, Société Civile Congolaise, risanzwe rifite ikicaro mu mujyi wa Masisi. Yatangiye amusobanurira uko byifashe mu muri uwo mujyi.