Si ubwa mbere Luis Suarez arumana
Ikipe ya Liverpool yahanishije igihano cyo kwishyura amafaranga y'ihazabu umukinnyi wayo Luis Suarez kubera kuruma umukinnyi wa Chelsea, Branislav Ivanovic.
Iyi kipe ariko ivuga ko Suarez agifite akazaza muri iyo kipe.
Suarez, w'imyaka 26, yarumye akaboko ka Ivanovic mu mukino Chelsea yanganije na Liverpool 2-2.
Ishyirahamwe ry'umupira w'amaguru mu Bwongereza, ryavuze ko riziga ibikubiye mu cyegereranyo cy'abayobozi b'uwo mukino n'ukuntu uwo mukinnyi yarumanye kugirango rirebe icyo ryabikoraho.
Suarez yasabye imbabazi kubera iyo myitwarire ye kandi yanavuganye n'umukinnyi wa Chelsea yarumye kugira ngo amusabe imbabazi.
Ntabwo ari ubwa mbere Luis Suarez arumana.
Yahanishijwe kudakina imikino irindwi nyuma yo kuruma umukinnyi wo hagati wa PSV Eindhoven Otman Bakkal mu mukino wabaye muri 2010.
