Elon Musk: Umutungo we watumbagiye nyuma yo kohereza icyogajuru mu isanzure

Inyandiko gusa
Elon Musk's personal fortunes have shot up by more than $15bn (£12bn).

Ahavuye isanamu, Getty Images

Umushoramari mu ikoranabuhanga Elon Musk umutungo we wiyongereyeho miliyari $15 nyuma y'icyumweru cy'ibikorwa bikomeye.

Ejo ku wa mbere, byatangajwe ko kompanyi ye y'imodoka Tesla yemewe mu isoko ry'imari n'imigabane rikomeye muri Amerika, S&P 500.

Ibi byabaye nyuma gato y'uko kompanyi ye Space X nayo yohereje mu isanzure icyogajuru kirimo abahanga bane.

Elon Musk, uherutse gupimwa bakamusangamo Covid-19, biteganyijwe ko aza gufata umwanya wa gatatu ku rutonde rw'abantu bakize kurusha abandi ku isi.

Agaciro k'imigabane ya Tesla kazamutseho 14% i New York ubwo yari imaze gushyirwa kuri ririya soko ry'imari n'imigabane.

Kuko Musk afite imigabane ingana na 20% muri kompanyi ya Tesla, umutungo we bwite wahise uzamuka ugera kuri miliyari $117.5 nk'uko bigaragazwa n'urutonde rw'abaherwe rwa Bloomberg.

Umutungo we warazamutse uva kuri miliyari $90 muri uyu mwaka ubwo agaciro k'imodoka za Tesla kakomezaga kuzamuka.

Muri 'weekend' ishize, Bwana Musk yanditse kuri Twitter ko bamusanzemo Covid-19 yoroheje, kandi ibimenyetso afite ari "ibicurane byoroshye".

Skip Ibisomwa cane and continue reading
Ibisomwa cane

End of Ibisomwa cane

Yabitangaje umunsi umwe mbere y'uko abahanga mu bumenyi bw'isanzure bane bazamukanye n'icyogajuru cyubatswe na Space X ya Bwana Musk, bagiye kuri 'station' mpuzamahanga yo mu isanzure.

NASA

Ahavuye isanamu, NASA

Insiguro y'isanamu, Abahanga mu by'isanzure bahagurutse kuwa mbere ubu bageze kuri iyo 'station' mu cyogajuru SpaceX Dragon, aho bazamara amezi 6 mu bushakashatsi ku isanzure n'ibyorezo by'indwara ku isi

Imodoka nkeya z'agaciro

Tesla izinjira mu isoko rya S&P 500 tariki 21 z'ukwezi gutaha kwa 12 nyuma y'amezi igerageza kwemerwa muri iri soko ry'imari n'imigabane rikomeye muri Amerika no ku isi.

Iyi kompanyi ikora imodoka ifite icyicaro muri California ni imwe muri kompanyi nshya zikomeye zemewe kuri iri soko, ifite agaciro ku isoko ry'imari ka miliyari $400.

Iyi kompanyi y'imodoka ifite intego yo gukora imodoka zikoresha amashanyarazi zidahumanya ikirere, ubu iri muri kompanyi zikora imodoka zihenze cyane ku isi.

Insiguro ya video, Blast off: Watch the SpaceX rocket head into space

Umuvugizi wa S&P 500, yavuze ko Tesla ari imwe muri kompanyi nini zinjiye kuri iri soko mu myaka 10 ishize.

Tesla imaze kuba kompanyi y'agaciro kanini mu zikora imodoka ku isi nubwo bwose ikora umubare muto cyane wazo ugereranyije na ba mucyeba bayo bakomeye Toyota, VW na General Motors.

Tesla ikora imodoka zigera ku 140,000 gusa ku mwaka ugereranyije na Toyota ikora imodoka miliyoni 10 ku mwaka.