Cardinal Pell, ajejwe ubutunzi i Vatican arakana ivyaha vyo gufata ku nguvu yagirizwa na Australia

Inyandiko gusa
Umu Cardinal George Pell afise urumuri mu gihe Papa yariko asoma misa ku mugoroba wa Pasika muri Basilike ya Saint Pierre i Vatican itariki 15 mu kwezi kwa kane mu 2017

Ahavuye isanamu, Reuters

Insiguro y'isanamu, Cardinal Pell yagumye ahakana ko ata caha na kimwe yakoze

Uwujejwe ubutunzi i Vatican, Cardinal George Pell, yahakanye yivuye inyuma ko ata kibi na kimwe yakoze inyuma yo kwagirizwa ivyaha vyo gufata ku nguvu mu gihugu ciwe c'amamuko ca Australia.

Yidoga avuga ko babaye nk'abamwishe ahagaze mu myaka ibiri irangiye hariko haraba ayo matohoza ata ho afatiye.

Yavuze ko Papa yamwemereye akaruko kugira ashobore guhangana n'ivyo vyagiriji.

Ivyo vyaha bifatiye kuvyabaye muri kahise, nk'uko vyavuzwe n'igipolisi co mu ntara ya Victoria.

Cardinal Pell yishuye ku bibazo vy'abana bakubaguwe n'abapadiri

Ivyo vyamuvuzweko n'abantu batari bake nk'uko bishikirizwa n'icegera c'umukuru w'igipolisi Shane Patton.

Cardinal Pell w'imyaka 76 akorera i Vatican, afatwa nk'umunyacubahiro agira gatatu mu butegetsi bw'ico gihugu.

"Ndi umwere kuri ivyo vyaha. Ni ububeshi. Ivyo bivugwa vyo gufata abantu ku nguvu n'ugushaka kuncafuza."

Skip Ibisomwa cane and continue reading
Ibisomwa cane

End of Ibisomwa cane

Ishengero katolika irya no hino kw'isi yagiye iragirizwa ivyaha vyo gufata ku nguvu mu myaka iheze vyakozwe n'abapatiri, kandi ko vyagiye birenzwako uruho rw'amazi.