Igihugu gikunda umuziki w'injyana ya 'country'

1 Ukwa kane 2016

Imyambaro n'inkwero ubundi byambarwa n'abakunzi b'umuziki w'injyana ya Country iboneka cyane mu majyepfo ya Amerika. Ariko rero inaboneka hirya no hino ku isi nko mu gihugu cya Uganda hari abakunzi benshi b'uwo muziki. Ni muri gahunda y'urukurikirane rw'ibiganiro ku kwimenya (identity) BBC yatangije muri kuno kwezi kwa kane.

Maria Nakiweewa — Insiguro y'isanamu, Maria Nakiweewa avuga ko "amaze imyaka 10 yumva umuziki w'injyana ya country"

Abakunzi b'umuziki wa Country — Insiguro y'isanamu, Amashati ya karokaro, bote n'ingofero z'aba Cowboy usanga abo bakunzi b'umuziki wa Country babyambaye muri Uganda.

Abafana b'umuziki wa Country — Insiguro y'isanamu, Abakunzi b'umuziki wa country akenshi bahurira i Kampala kandi benshi bahurira mu muhango witwa "Let’s Go Country event," buri mwaka aho kugenda ku mafarasi biri mu bintu bikorwa mu gihe hacurangwa umuziki wa country.

Bote z'aba Cowboy — Insiguro y'isanamu, Imwe mu ndirimbo zikunzwe cyane zinyura kuri Radio One i Kampala ni iy'umucuranzi Dolly Parton yitwa Coat of Many Colours.

Susie Nancy uzwi kandi ku izina rya Nansereko Susan — Insiguro y'isanamu, Nansereko Susan avuga ko akunda cyane umuziki w'injyana Country. Ati: "Numva meze neza cyane iyo numva uwo muziki".

Alvin Kivumbi, w'imyaka itatu, yambaye imyenda y'abakunzi b'umuziki wa country — Insiguro y'isanamu, Alvin Kivumbi - w'imyaka itatu - yarangije kuba umufana w'umuziki wa Country. Nancy avuga ko uyu mwana akunda uwo muziki kandi ko azi kuwubyina.

Churchill Olum acuranga gitari i Kampala — Insiguro y'isanamu, Abanya Uganda bakunda amagambo aririmbwa mu muziki wa Country. Churchil Olum - w'imyaka 24 - avuga ko uwo muziki ari mwiza cyane. Yahawe akazina ka Country Boy.

Churchill Olum, uzwi kandi nka Country Boy — Insiguro y'isanamu, Country Boy yakunze uyu muziki kubera ko se yari umufana ukomeye w'umuririmbyi w'umunyamerikazi Dolly Parton. Ati: " Nakuze numva umuziki wa Country maze unyinjiramo".

Umwana wambaye inkweto za bote z'aba Cowboy i Kampala — Insiguro y'isanamu, Uganda ni cyo gihugu cya kabiri gifite urubyiruko rwinshi ku isi kandi umuziki wa Country usa nkaho ukundwa n'abantu bo mu ngeri zose.

Joshua Woods, uzwi nka Kyagulanyi — Insiguro y'isanamu, Joshua Woods ubundi witwa Kyagulanyi avuga ati: " Natangiye kumva umuziki wa country ndi umwana, iyo numva uyu muziki numva nishimye cyane, ni umuziki buri muntu we yakumva".

Viola Namuwawu, w'imyaka 24, utuye i Bunga i Kampala muri Uganda — Insiguro y'isanamu, Viola Namuwawu utuye Bunga, mu nkengero za Kampala avuga ko umuziki wa country ufite ubutumwa bujyanye n'ibibazo duhura nabyo mu buzima kandi ukanatanga ibisubizo.