Dyna ni tan ddydd Mawrth Medi 15, mae'r amser yn sicr o hedfan!

Mwynhewch yr haf!

Mae'r aelodau yn symud ymlaen at eitem olaf y diwrnod a thymor yr Haf sef y ddadl fer gan Mike Hedges ar y teitl 'Atal sgamiau yng Nghymru: camau y gellir eu cymryd i atal pobl rhag bod yn destun sgamiau.'

Dywed y Dirprwy Weinidog Ffermio a Bwyd, Rebecca Evans bod buddsoddiad a wnaed yn y blynyddoedd diwethaf gan lywodraeth Cymru wedi helpu cynhyrchwyr i ddatblygu a marchnata "bwyd a diod o ansawdd uchel."

Mae hi'n dweud bod gweithgareddau allweddol yn cynnwys darparu cymorth busnes a chymorth grant i gwmnïau o Gymru yn y sector, a gwella cadwyni cyflenwi sector bwyd Cymru.

Y cyn-weinidog Alun Davies yn dweud fod diwygio'r ardoll yn "hanfodol a phwysig."

Ychwanegodd, "dywedwyd wrthyf unwaith gan weinidog Ceidwadol fod y system bresennol o fudd i Loegr ac felly ni fydd yn cael ei newid."

William Powell o'r Democratiaid Rhyddfrydol yn dweud bod "angen brys" i ddiwygio'r ardoll cig coch ac yn dweud bod ei blaid yn croesawu gwaith gan y Fforwm Diwydiant Cig Coch i ddatblygu cynigion ar gyfer ailddosbarthu'r ardoll hon.

Mae ardollau sy'n cael eu talu gan ffermwyr a phroseswyr yn helpu i ariannu'r corff hyrwyddo yn y wlad lle mae anifeiliaid yn cael eu lladd.

Mae'r Ceidwadwyr Russell George yn galw am "god ymarfer gwirfoddol ar gyfer archfarchnadoedd a siopau i neilltuo rhan o'u lloriau i gefnogi a hyrwyddo statws dynodiad daearyddol gwarchodedig o Gymru a chig tractor coch Prydeinig".

Llŷr Gruffydd yn dweud y gallai ffermwyr Cymru gael eu hamddiffyn rhag anwadalrwydd y marchnadoedd byd-eang drwy gryfhau cadwyni cyflenwi domestig.

Mae'n galw ar lywodraeth Cymru i "wneud sylwadau brys i lywodraeth y DU gyda'r bwriad o gyflwyno system ddosbarthu ardoll cig coch tecach."

Mae'r aelodau yn symud ymlaen at ddadl Plaid Cymru ar anawsterau difrifol sy'n wynebu'r sectorau cig coch a llaeth yng Nghymru.

Huw Lewis yn dweud y bydd llywodraeth Cymru yn cefnogi'r cynnig sydd gerbron y Cynulliad, ac yn barod i asesu'r opsiynau.

Aled Roberts yn egluro y bydd hyfforddiant mewn cymorth cyntaf pediatrig yn ofyniad cyfreithiol i staff meithrinfeydd yn Lloegr o dan gynlluniau llywodraeth a gyhoeddwyd yn dilyn marwolaeth babi.

Naw mis oed oedd Millie Thompson o Stockport pan fu farw ar ôl tagu ar ei chinio mewn meithrinfa ym mis Hydref 2012.

Cynhaliwyd adolygiad wedi e-ddeiseb a sefydlwyd gan fam Millie, Joanne.

Mae'r ddadl gan Aelodau Unigol wedi dechrau.

Y Cynnig ydy bod Cynulliad Cenedlaethol Cymru:

1. Yn cydnabod pwysigrwydd hyfforddiant cymorth cyntaf arbenigol ar gyfer staff meithrin, fel bod ganddynt y sgiliau a'r hyfforddiant i ymateb yn gyflym ac yn briodol os bydd argyfwng.

2. Yn galw ar lywodraeth Cymru i ehangu'r ddarpariaeth o hyfforddiant cymorth cyntaf pediatrig i staff meithrinfeydd ac asesu opsiynau ar gyfer ei gwneud yn ofynnol bod yr holl staff sy'n gweithio mewn meithrinfeydd yn cwblhau cwrs cymorth cyntaf pediatrig a gydnabyddir yn swyddogol.

Mae'r fideo yma, dolen allanol yn dangos aelodau o dîm diogelwch Cynulliad Cenedlaethol Cymru yn ymarfer ymadroddion Cymraeg y maent wedi'u dysgu yn eu gwersi Cymraeg.

Ffynhonnell y llun, Cynulliad Cymru

Rhodri Glyn Thomas yn dweud bod angen i ragor o ddogfennau gael eu drafftio yn Gymraeg, yn hytrach na chyfieithu i'r Gymraeg.

Aled Roberts yn dweud ei fod yn arbennig o anodd i ddefnyddio'r Gymraeg mewn pwyllgor "os mai chi yw'r unig siaradwr Cymraeg."

Rhodri Glyn Thomas yn dweud bod y Cynulliad "yn agosáu at fod yn sefydliad gwirioneddol ddwyieithog", ond mae'n mynegi pryder am faint o Gymraeg a ddefnyddir yn y pwyllgorau.

Mae'r aelodau wedi symud ymlaen at ddadl ar yr Adroddiad Cydymffurfio Blynyddol ar Gynllun Ieithoedd Swyddogol Comisiwn y Cynulliad.

Fe wnaeth adroddiad ym mis Mai gondemnio triniaeth yn uned Tawel Fan yn Ysbyty Glan Clwyd fel "cam-drin sefydliadol."

Ers hynny, mae teuluoedd wedi cwyno am ddiffyg gwybodaeth, a gwahoddiadau i gyfarfodydd wedi'u hanfon at gyfeiriadau anghywir.

Dywed y Dirprwy Weinidog Iechyd, Vaughan Gething bod y camgymeriadau mewn cyfathrebu yn annerbyniol, ond bod newidiadau wedi cael eu gwneud.

Mae Darren Millar yn holi cwestiwn brys ar "bryderon newydd a godwyd gan berthnasau cleifion Tawel Fan ynghylch cyfathrebu gwael a diffyg cynydd o ran ymcwhiliadau'r bwrdd iechyd hyd yma."

Nick Ramsay yn cyfeirio at Heol Wonastow, Trefynwy a gafodd ei glustnodi ar ôl hynny ar gyfer tai.

Mae'n dweud bod y cyhoedd yn "cael yr argraff nad ydy llywodraeth Cymru yn deall cyllid."