Enw'r Adolygydd
Esyllt Dafydd

Y bandiau
The Heights, Kentucky AFC, Winabego

Awyrgylch
Lleoliad yn argoeli'n dda. Tafarn gyda naws theatr iddi. Mae'n debyg mai dyna lle oedd gig 1af Oasis yn Llundain, ac mae nifer o fawrion y SRG (Sîn Roc Gymraeg) wedi perfformio yno hefyd.

Roedd y lle bron yn hanner llawn yn ystod set Winabego - argoeli'n dda am weddill y noson, gyda chymysgedd dda o Lundeinwyr, a Chymry yn y gynulleidfa.

Llundeinwyr: yna i weld grwpiau newydd (iddyn nhw)
Cymry Llundain: yna er mwyn tawelu eu hiraeth am Gymru
Cymry o Gymru: yna er mwyn cefnogi'r 'ogia

Roedd yr ymateb yn wych, yn enwedig pan ddechreuodd KAFC ddosbarthu CDiau am ddim.

Disgrifiwch y perfformiadau

Winabego: Yn fand sydd dal yn gymharol newydd i'r SRG (o gymharu â'r 2 fand arall), dyma nhw'n plesio'n fawr. Cymysgedd o ganeuon Cymraeg a Saesneg, a 'Dal fi Fyny' a 'Colli ar fy Mhen' yn wych. Cafwyd sylw gan un Llundeiniwr eu bod yn ymdebygu i Franz Ferdinand...heb y siwtiau. Roedd yn amlwg eu bod wedi rhoi popeth i'r perfformiad - ac fe weithiodd.

KAFC: Waw! Y ffordd orau i fesur y perfformiad yma oedd gyda'r chwys a chwyswyd - LOT! Roedd yn amlwg eu bod wedi bod yn perfformio ers amser, ac yn gyfarwydd â chwarae i gynulleidfaoedd yn Llundain hefyd. Unwaith eto, cymysgedd o ganeuon Cymraeg a Saesneg yn llawn egni, a 'Outlaw' yn ddewis da ar gyfer gorffen y set.

The Heights: Dyma'r band a chwysodd fwy na KAFC (tipyn o gamp, trystiwch fi)! Eu profiad o berfformio yn Llundain yn amlwg, a'r set yn broffesiynol iawn- o'r caneuon i'r dillad. 'Handlebars' a 'High as You' yn amlwg wedi plesio'r dorf. Ar ddiwedd y perfformiad, gallen i daeru bod y dorf ar fin gofyn am 'encore'. Caneuon Cymraeg a Saesneg eto.

Trac y noson
Y gân oedd yn crynhoi egni'r 3 band oedd 'High as You', The Heights - rhoddwyd popeth mewn i'r perfformiad yma.

Uchafbwynt y noson
Y gig! A......gweld cymaint o drigolion Llundain yn troi fyny ac yn mwynhau'n enfawr!

Y peth gwaethaf am y noson
Rhyw ffwl ym mlaen y dorf yn heclo. Wrth i'r Heights gyflwyno un o'u caneuon, dyma fe'n gweiddi "I hope it's in Engish!". Yn lwcus, doedd e ddim yn cynrychioli barn gweddill y dorf.

Achlysur Roc a Rôl
Y ffaith fod cymaint o bobl di-Gymraeg yn medru mwynhau caneuon Cymraeg. Hyn yn dangos bod y bandiau hyn yn gallu cyfathrebu gyda'u cerddoriaeth yn ogystal â'u geiriau. A...

...clywed fod y gig wedi cael mensh yn NME!! A...

...9 allan o 11 o'r perfformwyr yn dewis nŵdls yn lle sglodion (chips!) i swper rhwng y soundcheck a'r gig.

Beth sy'n aros yn y cof?
11 perfformiwr o fry, nŵdls, chwys...beth arall y'ch chi angen ar nos Sadwrn?!

Talent gorau'r noson
Dwi am ddweud pob un ohonyn nhw, ond os oes rhaid dewis... Winabego - am y rheswm syml eu bod wedi plesio pawb yn y gynulleidfa er mai nhw yw'r lleiaf profiadol o'r 3 band.

Marciau allan o ddeg
9/10 (ond wedyn dwi yn eithaf biased!!)

Un gair am y gig
Ffrwythlon!!

Lincs gwefan