Y Gyfres

Eisoes mae enwau digon o ymgeiswyr ar gyfer y gyfres bresennol wedi dod i law ond mae Mastermind Cymru yn dal i wahodd rhai sydd â diddordeb mewn cystadlu rywdro yn y dyfodol i anfon eu henwau.

Does dim amheuaeth am boblogrwydd y gyfres Gymraeg yma, gyda Betsan Powys yr holwraig yn awr yn edrych ymlaen at gwrdd â'r don nesaf o gystadleuwyr.

"Cystadlwch - dyna fy nghyngor i bawb wnaeth fwynhau'r gyfres y llynedd a llwyddo i ateb cwestiynau o gysur eu cartrefi," meddai.

"Mae cymaint o bobl wedi dod ata i yn dweud fod diddordeb gyda nhw gystadlu ar ôl gweld Cymry Cymraeg eraill yn mentro, ac yn llwyddo yn y gadair," meddai.

Ac er nad oes lle gwag ar ôl yn y gadair ddu ar gyfer y gyfres bresennol o Mastermind Cymru mae Betsan yn awyddus i bobl gynnig eu henwau ar gyfer y dyfodol.

"A does dim rhaid i'r pwnc dewisol fod yn bwnc llyfrau trymion - gall fod yn bwnc ysgafn dim ond bod digon o swmp ynddo a'ch bod chi'n gwybod eich stwff," meddai.

Amserlen ddarlledu 2007 ...

Rhaglen 1 - 11/11/2007 Enillydd - Rhisiart Williams

Rhaglen 2 - 18/11/2007 Enillydd - Dr Siôn Aled Owen

Rhaglen 3 - 25/11/2007 Enillydd - Tomos Rees

Rhaglen 4 - 02/12/2007 Enillydd - Arfor Wyn Hughes

Ffeinal - 09/12/2007

Gwefan S4C www.s4c.co.uk

Nid yw'r BBC yn gyfrifol am gynnwys gwefannau allanol.