| Mae'r daith yma'n mynd â chi ar daith a amgylch pentref deniadol Llandrillo yn Rhos a'ch cyflwyno chi i'w dreftadaeth hynod gyfoethog. Mae gan Landrillo yn Rhos gysylltiadau cryfion gydag amrywiaeth helaeth o gyfnodau hanesyddol a digwyddiadau o oes y Rhufeiniaid ymlaen, gan gynnwys oes y Seintiau Celtaidd, y Canol Oesoedd, oes Elisabeth a hyd y dydd heddiw. Defnyddiwch y llwybr hwn i ddarganfod yr adeiladau a'r safleoedd hanesyddol diddorol a dysgu am y bobl ddiddorol sy'n gysylltiedig â nhw.
Craidd y llwybr yw taith gerdded o ryw awr o hyd sydd wedi ei seilio ar y promenâd. Mae tri estyniad dewisol wedi eu hychwanegu i'r rhai yn eich plith sydd â mwy o amser ac egni. Mae'r llwybr cyfan, gan gynnwys y daith gerdded hyfryd i fryngar Bryn Euryn, (sy'n werth ei mentro am y golygfeydd godidog yn unig) yn cymryd rhwng tair awr a thair awr a hanner. Gan fod y llwybr yn gylchog, gallwch ymuno ag ef lle bynnag y mynnwch chi.
Mae nifer o gaffis a siopau te rhagorol yng nghanol Llandrillo yn Rhos, ac fe aiff â'r daith â chi heibio i dair tafarn, lle gallwch archebu bwyd, felly mae digon o gyfle i orffwys a bwyta. Fe ewch chi heibio i nifer o feinciau hefyd fel y gallwch chi fynd wrth eich pwysau a gorffwys fel y mynnwch chi a mwynhau'r daith!
Mae llefydd parcio i'w cael ar hyd y rhan fwyaf o'r promenâd. Mae dau faes parcio hefyd (wedi eu marcio â P ar y map). Os byddwch yn defnyddio un o'r rhain dechreuwch y daith wrth y rhif agosaf ar y map. Dechreuwch y daith
Edrychwch ar olygfeydd y daith
 | 
