| Pwrpas y gwaith celf ydy dathlu cysylltiad Cymru gyda'r deg gwlad newydd sy'n ymuno â'r Undeb Ewropeaidd ac mi fu'r plant yn gweithio dan arweiniad yr artistiaid Maureen O'Kane ac Andrew Bolton i baratoi'r teils ar gyfer y brithwaith sy'n adlewyrchu bywyd a diwylliant y deg gwlad newydd.
Fe fu'r plant mewn cysylltiad â disgyblion yn y ddeg gwlad i ofyn cwestiynau fel "beth yw eich blodyn cenedlaethol?" a "pha liw sydd ar eich banner chi?" er mwyn cael ysbrydoliaeth i lunio'r teils, fel rhan o'r cynllun Creu Cyfle.
Cafodd y llwybr brithwaith ei ddadorchuddio gan yr Aelod Seneddol Ewropeaidd Jill Evans ac ar ôl y seremoni, cynhaliwyd Cyngerdd Gala i ddathlu'r prosiect yn y Galeri y noson honno, dan arweiniad Catrin Finch, llywydd Creu Cyfle.
 | 
