| Yn 2007, cafodd yr ŵyl wythnos o hyd ddiweddglo hwyliog gyda sêr fel Elin Fflur, Y Moniars, Dr Jazz a Joe Le Taxi yn perfformio yn nigwyddiad Dop Dre, ddydd Sadwrn 7, Gorffennaf. Ers cydweithio gyda Carlotta a'r Moniars, mae Elin Fflur bellach wedi mentro fel perfformwraig unigol, ac mae hi wedi rhyddhau dau albwm, y diweddaraf yw Ysbryd Efnisien. Roedd cyngherddau gyda'r nos yr ŵyl yn cynnwys perfformiad gan yr amryddawn Côr Glanaethwy, Bangor. Sefydlwyd y côr, a'r ysgol berfformio o'r un enw, gan Cefin a Rhian Roberts, actorion a diddanwyr a sefydlodd Ysgol Glanaethwy yn y 1990au.  Cafwyd cerddoriaeth glasurol gyda thriawd chwythbrennau Ensemble Cymru, sydd wedi eu lleoli ym Mangor ac yn hybu cerddoriaeth gan gyfansoddwyr Cymru.
Hefyd yn cydweithio â'r ŵyl unwaith eto roedd Cymdeithas Jazz Gogledd Cymru gyda'r sacsaffonydd tenor Dave O'Higgins yn perfformio gyda Band Bill Coleman a Brian Dee ar yr allweddellau, yng Nghastell Rhuthun.
Am fwy o wybodaeth am Ŵyl Rhuthun a rhestr lawn o'r cyngherddau ewch i'r wefan - mae'r linc ar y dde. Lluniau o ŵyl y gorffennol
 | 
