Dan arweiniad y sgowt lleol, Evan Williams, Craig-y-Don, aeth ar brawf i Gaer a Wrecsam. Gydag un arall o arwyr Wrecsam, Mickey Thomas , gafodd gynnig gwaith ar y Cae Ras yn 1971 - yn trin y cae. Ond yn 17 oed, cafodd ei gêm gyntaf i'r tîm cyntaf mewn gêm gwpan yn erbyn y gelyn lleol, Dinas Caer.

Fel aelod llawn o dîm cyntaf Wrecsam, roedd yn rhan o'r garfan a gyrhaeddodd rowndiau go gyn derfynol Cwpan yr FA am y tro cyntaf yn hanes y clwb yn nhymor 1973/74 gan guro timau'r ail adran Crystal Palace a Middlesborough a Southampton o'r adran gyntaf cyn colli i Burnley, hefyd o'r adran gyntaf.

Yn 1975, enillodd Joey Gwpan Cymru pan gurodd Wrecsam Ddinas Caerdydd yn y rownd derfynol, ond wrth i'w gyd chwaraewyr baratoi i fynd i Ewrop i wynebu Djurgardens yn Nghwpan Enillwyr Cwpanau Ewrop, roedd Joey ar ei ffordd i Anfield am ffi anodd-ei-wrthod, £110,000.

Gan ei fod yn frodor o Landudno mae bywgraffiad llawn o yrfa Joey ar wefan Lleol y gogledd orllewin.