Yn Y Barri mae cyfleusterau chwaraeon fel y Ganolfan Hamdden yn eithaf da ond mae lle i wella, yn fy marn i. Nid oes digon o lefydd i blant ifanc Cymru dreulio'u hamser. Does dim syndod bod nifer fawr o blant yn sefyll mewn grwpiau mawr ar gornel strydoedd yn bygwth pobl ac yn torri'r gyfraith oherwydd cyflwr rhai ardaloedd cymunedol y fro. Problemau Fandaliaeth
Un o broblemau mwya'r ardal yw fandaliaeth. Yn Y Barri, mae'r cyrtiau tenis allan o'r ffordd y tu ôl i'r clwb Bowlio ym Millwood, ac maen nhw wedi eu fandaleiddio ac nid oes unrhyw un wedi gwneud unrhyw beth amdanynt am amser hir. Pe bai rhywbeth yn cael ei wneud i wella safon y cyfleusterau, byddai cynnydd mawr yn ymroddiad y bobl leol i ddefnyddio'r cyfleusterau yma. Yn fy marn i, does dim digon o fewnbwn gan y cyngor i wella safon y cyfleusterau yn y dref. Dylai bod pawb yn mwynhau gweithgareddau corfforol ac eisiau mynd yn ôl i'r un lle dro ar ôl tro, ond yn anffodus mae safon cyfleusterau yn effeithio arnon ni ac yn gwneud i ni deimlo'n anhapus gyda ni ein hunain ac yn rhoi lan gyda'r ymarfer corff. Cyfleusterau Cyfagos
Yng Nghaerdydd mae yna nifer fawr o ganolfannau iechyd, sydd â phopeth ar gael yno, gan gynnwys pwll nofio, cyrtiau sgwash, cyrtiau tenis (o dan do a mas tu fas) a chae pêl droed (llawn a phump bob ochr) o safon uchel iawn. Byddai adnoddau tebyg i'r rhain yn addas iawn ar gyfer Y Barri neu ardaloedd eraill yn y fro. Beth all ddigwydd
O'm mhrofiad personol i, yr unig broblem gyda hyn yw byddai'r gost o ymaelodi ar gyfer y cyfleusterau ardderchog yma yn ddrud iawn. Er hynny byddai adeiladu rhywbeth tebyg yn ardaloedd lleol i'r fro yn hwb mawr i'r gymdeithas. Ieuan Donovan
 | 
