Mae McCoy wedi ennill dros 3,000 o rasys dros yrfa hynod lwyddiannus, ond roedd y National wedi bod tu hwnt i'w afael. Roedd Black Apalachi (14-1) yn gyfartal gyda Don't Push It (10-1) wrth neidio dros y glwyd olaf, ond gorffennodd y ffefryn yn gryf i ennill o bump hyd ceffyl. State of Play (16-1), sy'n cael ei hyfforddi gan y Cymro Evan Williams, oedd yn drydydd, gyda Big Fella Thanks (10-1) yn bedwerydd. Siomedig oedd y ras i'r unig geffyl o Gymru wrth i Dream Alliance, oedd yn fuddugol yn National Cymru ym mis Rhagfyr, roi'r gorau iddi wedi clwyd rhif 24. Ond roedd y joci Cymraeg Sam Twiston-Davies, sy'n 17 mlwydd oed, yn hapus iawn ar ôl gorffen yn bumed ar ben ceffyl ei dad, Hello Bud.
 | 
