 | Newidiwyd diwethaf: 01
Mehefin
2006
|
| | | | | | Popeth fydd angen i chi wybod am dîm Ukraine ar gyfer Cwpan y Byd 2006
 Gemau Grŵp H:v Sbaen
14 Mehefin 1400 BST, Leipzig
v Saudi Arabia
19 Mehefin 1700 BST, Hamburg
v Tunisia
23 Mehefin 1500 BST, Berlin
Wedi methu â chyrraedd Ewro 2004, penderfynodd Gymdeithas Bêl-droed Wcrain benodi Oleg Blokhin, sydd yn enedigol o'r wlad, ond gafodd 109 o gapiau i'r Undeb Sofietaidd, fel rheolwr.
A llwyddodd Chwaraewr Ewrop 1975 i arwain ei dîm i'r Almaen er fod eu grŵp rhagbrofol yn cynnwys pencampwyr Ewrop, Gwlad Groeg, Twrci a Denmarc.
Hanes yng Nghwpan y Byd:
Er bod chwarewyr o'r Wcrain, gan gynnwys Oleg Protasov, Alexei Mikhailichenko, Igor Belanov ac wrth gwrs, Blokhin ei hun, wedi chwarae yng Nghwpan y Byd fel rhan o dîm yr Undeb Sofietaidd, dyma fydd ymddangosiad cyntaf Wcrain yng Nghwpan y Byd.
Sêr y tîm:
Ymosodwr newydd Chelsea, Andriy Shevchenko, yw un o'r chwaraewyr gorau erioed i ddod o'r Wcrain ac roedd ei goliau yn allweddol wrth iddynt orffen ar frig eu grŵp rhagbrofol.
A chyda ymosodwr Shakhtar Donetsk, Andriy Vorobey ac Andrey Voronin o Bayer Leverkusen yn ymuno ag ef, bydd llinell flaen Wcrain yn lond llaw i unrhyw dîm.
Barn BBC Cymru'r Byd:
Mae Blokhin wedi awgrymu bod gan ei dîm y gallu i gyrraedd y rownd gynderfynol, ac o gofio eu bod wedi gorffen ar frig grŵp rhagbrofol hynod o anodd, fe ddylai'r Wcrain gyrraedd rownd yr wyth olaf heb unrhyw broblem.
| | | |
| |
