v Lloegr
10 Mehefin 1400 BST, Frankfurt

v Sweden
15 Mehefin 2000 BST, Berlin

v Trinidad a Tobago
20 Mehefin 2000 BST, Kaiserslautern

Llwyddodd Paragai i gael y dechrau gorau posib i'w gemau rhagbrofol yn Ne America, gan eistedd ar frig y grŵp am gyfnod hir.

Ond, wedi rhediad tychinebus oedd yn cynnwys crasfa yn erbyn Ecuador a Brasil yn gynnar yn 2005, bu rhaid i'w rheolwr, Anibal "Mano" Ruiz, ychwanegu sawl wyneb newydd i sicrhau eu bod yn gorffen yn bedwerydd yn y grŵp.

Hanes yng Nghwpan y Byd:
Nid yw eu record yng Nghwpan y Byd ymysg y mwyaf disglair, gan nad ydynt erioed wedi mynd heibio'r ail rownd.

Ym 1986, colli 3-0 yn erbyn Lloegr oedd eu hanes yn yr ail rownd, ym 1998 roedd angen amser ychwanegol ar Ffrainc i'w trechu yn yr ail rownd, ac yna yn 2002, cafwyd gôl yn y funud olaf gan Oliver Neuville i sicrhau bod Yr Almaen yn eu trechu.

Sêr y tîm:
Mae Roque Santa Cruz wedi bod yn aelod o'r garfan genedlaethol ers yn 17-mlwydd-oed ac er ei fod wedi dioddef anafiadau, mae'n debyg mai ymosodwr Bayern Munich fydd yn arwain llinell flaen Paragwai yn Yr Almaen.

Barn BBC Cymru'r Byd:
Gyda Sweden a Lloegr yn yr un grŵp, ac ar sail eu perfformiad yn Stadiwm y Mileniwm ar ddydd Gwyl Dewi, go brin bydd Paragwai yn llwyddo i gyrraedd yr ail rownd am y trydedd pencampwriaeth yn olynol.