Mae'r adeilad yn cynnwys ffrâm concrit ar bum llawr ac y mae ei ôl ar y ddaear yn ffurfio U' wedi ei ymestyn. Mae cromlin ysgubol y prif weddlun yn cael ei gyfleu gan drefniant anferth o golofnau carreg hirsgwar wedi eu hail-lunio mae'r rhain yn diffinio ochr agored colonâd a osodwyd o dan ben blaen yr adeilad. Yn ogystal â rhoi mynediad dan do, mae'r colonâd yn adlewyrchu'r traddodiad o arcedau yn y Brifddinas. Mae nodwedd ddinesig y fan yn cael ei hybu ymhellach gan gelfyddydwaith ar y colonâd. Mae rhes o goed lled-aeddfed yn dilyn llinell yr adeilad ar hyd ei wyneb deheuol fel rhan o'r tirlunio i Sgwâr Callaghan.

Cymhlethwyd y prosiect oherwydd fod arglawdd y rheilffordd mor agos i'r gogledd. O'r herwydd bu'n rhaid i'r cynllun gymryd dirgrynu a swn i ystyriaeth. Ar ben hynny, roedd y cleient yn dymuno cynnwys cymaint o le parcio ar y safle ag oedd yn bosib'.