Y briff oedd adfer ac addasu'r adfail yn fflatiau moethus. Penderfynwyd canolbwyntio ar gadw'r waliau allanol tra'n diogelu'r prif gynllun strwythurol oddi mewn i'r adeilad. O'r herwydd cynhaliwyd bron bob un o'r waliau a oedd yn dal pwysau a'u pwytho ynghyd â chlymfarau. Ail-luniwyd y ffenestri, a oedd yn dyddio o nifer o gyfnodau gwahanol, i adlewyrchu hanes amrywiol y ty yn gywir.

Adfeddiannwyd pedwar paentiad panel mewn ocsiynau a'u dychwelyd i'r ty. Cynlluniwyd ystafell banelog newydd yn arbennig i gynnwys y paentiadau. Gan na fu'n bosibl dod o hyd i orchuddion to teils carreg, defnyddiwyd llechen dosbarth trwm er mwyn cael ansawdd tebyg i garreg. Mesurwyd y bargodion cilfwaog sy'n mynd o gwmpas yr adain Sioraidd yn ofalus o'r darnau a oedd yn weddill, a'u hailadeiladu gan ddefnyddio dellt derw traddodiadol a rendrad calch.

Mae'r elfennau newydd yn cynnwys dwy bont i roi mynediad i'r fflatiau ar y llawr cyntaf: lifft â grisiau canolog o'i gwmpas a chowrt garej.