Trwy osod delweddau o hen lyfrau ffotograffau teulu ochr yn ochr ag eraill a dynnais yn ddiweddar, rwy'n dymuno awgrymu stori allai adlewyrchu ymdeimlad o hanes yn ogystal ag atgof. Mewn rhai achosion, mae fy atgof yn un ail law, yn tarddu o straeon a adroddwyd i mi gan fy nheulu, nid o brofiadau uniongyrchol. Trwy allu ymateb i'r atgofion hyn trwy gyfrwng iaith paent, rwy'n edrych ar fy mherthynas i fy hun â'r gorffennol.

Trwy ddefnyddio paent i gyfleu fy nheimladau ynglyn â delwedd, rwy'n defnyddio'r ddelwedd hefyd i edrych ar y posibiliadau sydd mewn paent a chreu delweddau.