BBC Cymru Arlein - Canrif o Brifwyl

Home

Explore the BBC

MAWRTH
18fed Tachwedd 2014
Hygyrchedd
Geiriau Yn Unig


	A-Y \| Chwilota

	Newyddion Chwaraeon Y Tywydd



	BBC Homepage Cymru'r Byd

»	Canrif O Brifwyl 1900 - 1913 1914 - 1937 1938 - 1955 1956 - 1966 1967 - 1979 1980 - 1999 Radio a Teledu Ble ar y We Amserlen teledu Amserlen radio E-gardiau Arolwg 2001 Gwybodaeth Ymateb

Lleoliad yr Eisteddfod Wrecsam a'r cylch

Prif Ddigwyddiadau Hanesyddol

Y Llywodraeth yn cyhoeddi ei bwriad i gynnal refferendwm ar ddatganoli yng Nghymru a'r Alban.
Yn ei haraith Jiwbili, y Frenhines, yn anuniongyrchol, yn beirniadu cenedlaetholdeb yng Nghymru a'r Alban.
Y Prif Weinidog, James Callaghan, yn gorfod derbyn yr hyn a elwid yn 'lib-lab pact' yn hytrach na galw Etholiad Cyffredinol.
Er gwaethaf apÍl gan eu harweinydd, Joe Gormley, y glowyr yn hawlio cyflog o £135 am wythnos bedwar diwrnod o waith.
Yn Llundain, 800 o gyrff heb eu claddu oherwydd streic gan ymgymerwyr angladdau.
Protestio yn erbyn gweithgareddau y National Front.
Yr Heddlu yn apelio am gymorth i ddod o hyd i lofrudd a elwid y 'Yorkshire Ripper'.
Ryan, Syr Ben Bowen Thomas, Grace Williams, Steve Biko, Anthony Eden, Wernher von Braun, Elvis Presley, Groucho Marx, Leopold Stokowsky, Maria Callas, Bing Crosby, Syr Terrance Rattigan a Charlie Chaplin yn marw.

Archdderwydd Bryn

Y Gadair

Testun. Awdl: 'Llygredd'
Enillydd: Donald Evans
Beirniaid: Thomas Parry, Geraint Bowen, Emrys Roberts
Cerddi eraill: Medwyn Jones, Tom Parry-Jones, Einion Evans

Ymateb a sylwadau Alan Llwyd:

Awdl am yr elfennau materol ym mywyd Cymru a oedd yn bygwth ei thraddodiadau diwylliannol ac ysbrydol. Nodir pum peth sy'n llygru bywyd ysbrydol Cymru: y gwersylloedd gwyliau yng Ngheredigion, y cloddio am olew ym môr Iwerddon, y rocedi yn Aber-porth, yr orsaf niwcliar yn Nhrawsfynydd, a'r ymchwil am aur yn Sir Feirionnydd. Awdl grefftus a chyfoes ei neges.

Y Goron

Testun. Pryddest: 'Hil', addas i'w chyflwyno ar gyfrwng fel y teledu, radio neu ar lwyfan
Enillydd: Donald Evans
Beirniaid: Bryan Martin Davies, Dyfnallt Morgan, Alun Llywelyn-Williams
Cerddi eraill: Elwyn Roberts, Prifardd y Goron, 1975

Ymateb a sylwadau Alan Llwyd:

Pryddest sy'n cyfateb yn thematig i awdl y Gadair, gyda'r orsaf rocedi yn Aber-porth yn symbol o allu dinistriol dyn, a'r 'hil' yn y bryddest, gwerin milltir sgwâr y bardd, yn cynrychioli grymoedd cynhaliol a chreadigol dyn ar hyd yr oesoedd ‚ dyn fel dinistriwr a dyn fel goroeswr a dyfeisiwr. Pryddest gynganeddol gelfydd iawn.

Y Fedal Ryddiaith

Cyfrol o ryddiaith greadigol
Enillydd: R. Gerallt Jones (Triptych)

Tlws y Ddrama

Drama hir
Enillydd: Neb yn deilwng

Tlws y Cerddor Sefydlwyd ym 1990

Llyfrau perthnasol

Dau lyfr Canrif o Brifwyl gan Alan Llwyd,Cyhoeddwyr, Barddas. Mis Awst 2000.

About the BBC | Help | Terms of Use | Privacy & Cookies Policy