Ymwelais i â Chymru yn gyntaf pan oeddwn i'n ugain oed achos ymchwil yn yr Amgueddfa Werin. Es i'r Eisteddfod Genedlaethol gyda S. Minwel Tibbott yn Aberystwyth, arbennigwraig mewn bwyd yng Nghymru. Cwrddais i â Robin Gwyndaf yno a dysgais am chwedlau Cymreig. Astudiais i Ethnoleg Ewropeaidd, hefyd Saesneg ym Mhrifysgol Georg-August Göttingen. Dysgais i Gymraeg fy hun a dechreuais i ddarllen nofelau a straeon o Gymru.

Symudais i i Gaerdydd yn 2000, wedyn i Aberystwyth yn 2003. Mi weithiais gyda phrosiect Rhwydwaith Archifau Cymru am dair blynedd yn y Llyfrgell Genedlaethol. Nawr rwy'n byw ym Machynlleth, hen ysgol Llys Maldwyn ers 2006. Mae pobl yn gallu aros gyda ni.

Ar y foment‚ rwy'n trefnu arddangosfeydd lluniau ar gyfer fy nghariad Mark Robert Davey. Rwy'n nabod pobl fel Britta Schulze - Thulin sy'n siarad Cymraeg. Mae Susanne Hofbauer yn ffrind i fi sy wedi dysgu Cymraeg, mae hi'n byw ym Munich ond cwrddon ni yng Nghastell Nedd.

Tywydd Cymru
Dwi ddim yn licio'r glaw yng Nghymru trwy'r amser o gwbl. Mae popeth yn edrych yn drist iawn i fi. Fy hoff lefydd yw traeth Aberdyfi, Sir Benfro, Canton /Caerdydd. Hefyd rwy'n hoffi'r mynyddoedd. Un o fy niddordebau ydy Nordic walking. Mae bywyd yn costio llawer yng Nghymru. Mae hiraeth am y cyfandir ac eira nawr. Rwy'n colli siopau neis a llefydd spa. Yn ddiweddar, es i'r Eidal, Sbaen, Ffrainc, Hwngari, Latvia.

Cyhoeddwyd yr erthygl hon fel rhan o gynllun cyfrannu ar y cyd rhwng BBC Cymru'r Byd ac Antur Teifi. Daeth y cynllun hwn i ben ar 31 Ionawr 2008.

Annette Strauch a'i hobi diddorol