Look at me! (fideo Saesneg)
Gwers ymarferol sy'n galluogi'r disgyblion i arfer empathi tuag at bobl ag anawsterau clywed, a deall pa mor hawdd yw hi i bobl ddefnyddio ymddygiad rhagfarnllyd i wahaniaethu yn eu herbyn.
Clip o'r stori
I weld y cynnwys hwn rhaid i chi alluogi Javascript a gosod Flash ar eich cyfrifiadur. Ewch i BBC Webwise (Saesneg) am gyfarwyddiadau.
Canlyniadau dysgu
Erbyn diwedd y wers, bydd POB disgybl wedi dysgu: Bod pobl yn gwahaniaethu yn erbyn pobl sy'n fyddar neu â nam ar eu clyw am nad ydynt yn deall eu hanghenion.
Erbyn diwedd y wers, bydd y RHAN FWYAF o'r disgyblion wedi dysgu: Bod pobl yn gwahaniaethu yn erbyn rhai sy'n fyddar neu â nam ar eu clyw am nad ydynt yn ymwybodol o'r ystod o ddulliau cyfathrebu sydd ar gael
Erbyn diwedd y wers, bydd RHAI disgyblion wedi dysgu: I ddadansoddi'n feirniadol yr ystod o ddulliau cyfathrebu sydd ar gael i gyfathrebu â phobl sy'n fyddar neu â nam ar eu clyw, fel y gellir lleihau'r rhagfarn a stereoteipio.
Dolenni Cwricwlaidd
Dinasyddiaeth Weithgar
- Datblygu parch tuag atynt hwy eu hunain ac at bobl eraill.
- gwerthfawrogi a dathlu amrywiaeth a chydraddoldeb cyfle ar lefel leol, genedlaethol a bydeang.
- materion sy'n ymwneud â mynediad o fewn y gymuned, a bod â'r gallu i wahaniaethu rhwng gwahanol lefelau o anghenion dysgu ac anabledd.
Gweithgareddau ar gyfer y wers
Offer sydd ei angen: TGC Rhyngrwyd / taflunydd, Bwrdd gwyn, Taflenni wedi eu hargraffu
Dechrau'r wers: Pasio'r frawddeg
Yr athro i sibrwd brawddeg wrth un disgybl a gofyn iddo basio'r frawddeg ymlaen nes bod pob disgybl wedi clywed y neges. Mae angen i'r person olaf i glywed y neges ei dweud yn uchel wrth weddill y dosbarth. Bydd y dosbarth yn gweld sut y mae'r neges wedi newid wrth iddi gael ei hanfon yn ei blaen.
Yr athro i ganolbwyntio ar bwysigrwydd cyfathrebu eglur a bod cyfnewid a derbyn neges yn gywir yn dibynnu ar hyn. Weithiau, mae yna anawsterau cyfathrebu rhwng pobl sy'n gallu clywed.
Mewnbwn yr athro
Yr athro i gyflwyno amcan y wers, sef sut i arfer empathi tuag at bobl sydd ag anawsterau cyfathrebu, fel y gellir mynd i'r afael â rhagfarn a stereoteipio.
Clip fideo
Y disgyblion i wylio'r fideo.
Trafodaeth dosbarth
Yr athro i gynnal trafodaeth ar anghenion pobl nad ydynt yn gallu clywed, a pha mor hawdd yw hi i wahaniaethu yn eu herbyn.
Dulliau o gyfathrebu
Yr athro i roi disgrifiad byr o'r gwahanol ddulliau cyfathrebu sy'n bodoli.
- Iaith arwyddion
- Darllen gwefusau
- Cyfathrebu di-eiriau (ystumiau)
Cyfathrebu
Gan weithio mewn parau, a defnyddio Taflen 1 - Dulliau cyfathrebu, y disgyblion i gyfathrebu gyda'i gilydd bob yn ail gan ddefnyddio amrywiaeth o ddulliau - iaith arwyddion, darllen gwefusau a chyfathrebu di-eiriau (ystumiau), a defnyddio ystod o gyfarchiadau e.e.
- Helo
- Sut wyt ti?
- Grêt, diolch
- Pwy wyt ti?
Gall rhoi clustffonau i'r disgyblion helpu i atal sŵn.
Gwerthuso
Y disgyblion i nodi pa mor llwyddiannus oedd y dulliau cyfathrebu ar Taflen 2 - Taflen werthuso.
Trafodaeth dosbarth
Yr athro i hwyluso trafodaeth dosbarth gyda'r disgyblion ar ba mor hawdd yw hi i wahaniaethu yn erbyn pobl sydd â nam ar eu clyw, a'r ffyrdd y gallent wella cyfathrebu yn y dyfodol.
Cofnod dyddiadur
Yn defnyddio Taflen 3, mae angen i'r disgyblion ysgrifennu cofnod dyddiadur person byddar am yr anawsterau neu rwystrau maent yn eu hwynebu ar ymweliad i ganolfan siopa neu gêm rygbi ar ddydd Sadwrn.
Sylwadau ysgrifenedig
Gall athrawon ddefnyddio Taflen 4 - Taflen sylwadau i gasglu sylwadau ysgrifenedig gan y myfyrwyr.
Eiconau
Sgiliau allweddol a Sgiliau dysgu:
- Cyfathrebu
- Cymhwyso rhif
- TGC
- Datrys problemau
- Gweithio gydag eraill
- Gwella eich perfformiad eich hun
- Meddwl yn feirniadol
- Meddwl yn greadigol
- Archwilio ystyr
- Myfyrio
- Sgiliau ymchwilio
- Sgiliau cyflwyno
Strategaethau Asesu ar gyfer Dysgu (AfL):
- Rhannu amcanion dysgu
- Defnyddio cwestiynau
- Adborth effeithiol
- Modelu
- Hunanasesu disgybl
- Asesu gan gyfoedion
- Asesu parhaus
- Addasu addysgu/ adolygu
- Cyfarfod Llawn
