IR35 - gwybodaeth ar gyfer cyfranwyr ar yr awyr

Mae'r Llywodraeth, trwy gyfrwng CThEM, wedi gwneud newidiadau i’r rheolau treth IR35. Mae hyn yn effeithio’r holl sector cyhoeddus o Ebrill 2021.

Mae CThEM wedi cyhoeddi canllawiau ar ei wefan.

Beth yw IR35?

Mae IR35 neu Ddeddfwriaeth Canolwyr (‘Intermediaries’) yn gyfraith dreth yn y DU.

Mae'n ymwneud â threth a Chyfraniadau Yswiriant Gwladol (CYG) y rhai sy'n darparu gwasanaethau i gleient trwy gyfrwng Cwmni Gwasanaeth Personol (CGP) neu ganolwr arall e.e. partneriaeth atebolrwydd cyfyngedig.

Os bydd IR35 yn weithredol i ymrwymiad gwaith, yna rhaid trin y ffi ymrwymo fel “incwm cyflogaeth” at ddibenion treth a telir treth incwm dan TWE a CYG i CThEM.

Os nad yw IR35 yn weithredol, yna gellir talu'r ffi gros i’r CGP a gall y CGP benderfynu a ddylid talu hwn fel “incwm cyflogaeth”.

Beth sydd wedi newid?

Gan ddod i rym ym mis Ebrill 2017, rhaid i bob awdurdod cyhoeddus, gan gynnwys y BBC, nawr asesu “statws cyflogaeth” pob ymrwymiad at ddibenion treth, gan gynnwys y rhai sy'n cael eu cytundebu trwy CGP, er mwyn sicrhau eu bod yn cyflawni eu rhwymedigaethau treth ac Yswiriant Gwladol.

Yn flaenorol, pan oedd yr ymrwymiad gyda CGP, y CGP oedd yn gyfrifol am yr asesiad hwn. Dan y ddeddfwriaeth newydd, trosglwyddwyd y rwymedigaeth gyfreithiol dros bennu'r statws cyflogaeth at ddibenion treth, i'r BBC.

Pan fydd y prawf statws cyflogaeth yn penderfynu bod ymrwymiad yn “gyflogedig” at ddibenion treth yna bernir bod y ffi ymrwymo yn “incwm cyflogaeth” at ddibenion treth a bydd y BBC yn didynnu treth dan TWE a CYG y cyflogai.

Pwy fydd hwn yn effeithio arnynt?

Mae IR35 yn weithredol i gyfranwyr ar yr awyr, megis cyflwynwyr yn ogystal â gweithwyr llawrydd oddi ar yr awyr fel datblygwyr, sy'n darparu eu gwasanaethau trwy gyfrwng canolwr.

Ceir eithriadau, er enghraifft; rolau a gymeradwywyd yn benodol gan CThEM megis actorion a pherfformwyr (sy'n cael eu cynnwys yn nodyn arweiniad ESM4121 CThEM), diddanwyr tramor (sy'n cael eu cynnwys yn rheolau'r Uned Diddanwyr Tramor) a chyfranwyr sy'n byw mewn gwlad dramor at ddibenion treth ac sy'n darparu eu gwasanaethau y tu allan i'r DU yn gyfan gwbl.

Unigolion (masnachwyr unigol)

Ni chaiff unigolion nad ydynt yn darparu gwasanaethau trwy gyfrwng canolwr eu cynnwys o fewn IR35.

Fodd bynnag, mae gan y BBC eisoes ddyletswydd i asesu statws cyflogaeth unigolyn at ddibenion treth am bob ymrwymiad. 

Cwmnïau Gwasanaeth Personol

Nid yw CGP a Chanolwyr eraill yn gyfrifol am asesu statws cyflogaeth i ddibenion treth ar gyfer ymrwymiadau gyda chyrff cyhoeddus.

Fodd bynnag, maent yn parhau i fod yn gyfrifol am asesu statws cyflogaeth i ddibenion treth ar gyfer ymrwymiadau’r sector breifat hyd at Ebril 2021.

IR35 SESIYNAU BRIFFIO – Haf 2017

Comisiynwyd cwmni Deloitte gan y BBC i ddarparu sesiynau briffio annibynnol i unigolion y gallai’r newidiadau treth IR35 a/neu gyflwyno’r prawf CEST effeithio arnynt. Am rhagor o wybodaeth, lawrlwythwch y sleids a gwyliwch y fideo o'r sesiwn a gynhaliwyd yn Llundain isod.

Trafodaethau CThEM [HMRC] / Datganiadau Amod 80

Rydym wedi bod mewn trafodaethau gyda CThEM er mwyn darparu manylion pendant am driniaeth treth parthed y ffioedd mae’r BBC yn ei dalu i gyflwynwyr.

Tra bod y trafodaethau hyn yn parhau bydd CThEM yn danfon asesiadau amddiffynnol a elwir yn Benderfyniadau Amodau 80 (Regulation 80 determinations) ar gyfer 2014/15.

Rydym wedi ysgrifennu at bawb y gallasai hyn effeithio gyda manylion pellach. I ddarganfod mwy darllenwch y cwestiynau amlycaf (FAQ).

IR35 - Rheoliad 80 Webinar 16/04/2019

Comisiynodd y BBC Deloitte i ddarparu gweminar ar gyfer unigolion a dderbyniodd penderfyniadau Rheoliad 80 ar gyfer blwyddyn dreth 2014-15. Mae'r gweminar yn rhoi atebion i gwestiynau cyffredin, gan esbonio pam mae penderfyniadau Rheoliad 80 wedi'u cyhoeddi a beth yw eich opsiynau os ydych chi'n derbyn un, e.e. prun ai i apelio neu setlo.

Mae'r gweminar hwn hefyd yn rhoi'r wybodaeth ddiweddaraf am y sefyllfa bresennol o ran y setliad arfaethedig gyda Chyllid a Thollau EM a'r hyn y gallai hyn ei olygu i chi.

Am fwy o wybodaeth,lawrlwythwch y sleidiau (ar gael yn Saesneg yn unig) a gwyliwch y fideo.

Trawsgrifiad o'r fideo (yn Saesneg)