ဘရက်ဇစ် - ယူကေ အီးယူကအထွက်မှာ ဘယ်လို သဘောတူညီချက်တွေ ယူလိုက်သလဲ

ယူကေနိုင်ငံက ဥရောပသမဂ္ဂ အီးယူက နုတ်ထွက်ဖို့ ၂၀၁၆ ခုနှစ်ကတည်းက ပြည်တွင်းမှာ မဲပေး ဆုံးဖြတ်ခဲ့တယ်ဆိုပေမယ့် ထွက်ပြီးနောက်ပိုင်း နှစ်ဖက် ဆက်ဆံရေး ဘယ်လိုရှိမလဲ ဆိုတာ နှစ်ဖက် သဘောတူညီမှု မရနိုင်ခဲ့တဲ့အတွက် လေးနှစ်လောက် ကြန့်ကြာနေခဲ့ရပြီး ယခု ကုန်သွယ်ရေး ဆိုင်ရာ သဘောတူညီမှုရပြီးတဲ့ အချိန်ကျမှ တကယ်တမ်း နုတ်ထွက်မှု ပြီးမြောက်သွားတယ်လို့ ဆိုနိုင်ပါတယ်။

ယူကေနိုင်ငံ အီးယူက နုတ်ထွက်အပြီး နှစ်ဖက် ဆက်ဆံရေးဆိုင်ရာ သဘောတူညီချက်တွေမှာ ကုန်သွယ်ရေးအပိုင်းက အခရာ အကျဆုံး ဖြစ်တဲ့အတွက်လည်း အခုလို ကြန့်ကြာနေခဲ့ရတာ ဖြစ်ပြီး ဒီသဘောတူညီချက် မူရင်းဟာ စာမျက်နှာ ၁၂၀ဝ ကျော် ရှည်တဲ့အထိ အသေးစိတ် ကျယ်ပြန့်တဲ့ စာတမ်းကြီး တခုလည်း ဖြစ်ပါတယ်။

အဲဒီ သဘောတူညီချက် စာတမ်းကြီးထဲက အဓိကကျတဲ့ အချက် ၇ ချက်ကို ကြည့်ရအောင်။

၁။ ကုန်သွယ်ရေး

ယူကေနဲ့ အီးယူ ကုန်သွယ်ရေး သဘောတူညီချက်အရ -

ဒီလို သတ်မှတ်ချက်တွေရဲ့ ဆိုလိုရင်းနဲ့ အကျိုးဆက်

အခုလို ကုန်သွယ်ရေး သဘောတူညီချက် ရလိုက်တဲ့အတွက် ယခင် နှစ်ဖက် သဘောတူညီချက်မရရင် ဖြစ်လာနိုင်တဲ့ တချို့ နှစ်ဖက်သွင်းကုန် ပစ္စည်းတွေ ဈေးကြီးသွားနိုင်တဲ့ အခြေအနေကို တားဆီးနိုင်လိုက်တယ်လို့ ဆိုနိုင်ပါတယ်။

ဒါပေမယ့် စီးပွားရေးလုပ်ငန်းတွေဘက်ကလည်း နယ်စပ်တွေမှာ ရှိလာနိုင်တဲ့ လုပ်ထုံးလုပ်နည်း အသစ်တွေအတွက် ပြင်ဆင်ထားဖို့ လိုအပ်ပြီး ယခင် တင်ပြစရာမလိုဘဲ အခုမှ တင်ပြဖို့ လိုလာတဲ့ စာရွက်စာတမ်းတွေ မပြည့်စုံဘူးဆိုရင် ကုန်ပစ္စည်း အဝင်နောက်ကျပြီး ပုတ်သိုး ပျက်စီးလွယ်တဲ့ ကုန်စည်တွေ ထိခိုက်တာ၊ အစရှိတဲ့ နောက်ဆက်တွဲ ရှုပ်ထွေးမှု အကျိုးဆက်တွေ ဖြစ်လာနိုင်ပါတယ်။

၂။ ဝန်ဆောင်မှုများနဲ့ ပညာအရည်အချင်း အသိအမှတ်ပြုမှု

ယူကေနဲ့ အီးယူ ကုန်သွယ်ရေး သဘောတူညီချက်အရ

ဒီလို သတ်မှတ်ချက်တွေရဲ့ ဆိုလိုရင်းနဲ့ အကျိုးဆက်

ဒီလို နှစ်ဖက် စီးပွားရေး ဝန်ဆောင်မှုနဲ့ ပညာအရည်အချင်း အသိအမှတ်ပြုမှု ဆိုင်ရာ ကန့်သတ်ချက်တွေကြောင့် ယူကေ စီးပွားရေး လုပ်ငန်းတွေဘက်က ကိုယ်နဲ့ ဆက်ဆံတဲ့ အီးယူ နိုင်ငံတခုချင်းရဲ့ ကန့်သတ်ချက်တွေအရ လိုက်နာ ဆောင်ရွက်ရတော့မှာ ဖြစ်ပါတယ်။

ယူကေနိုင်ငံတွင်းမှာ အရည်အချင်းသတ်မှတ်ချက်တွေ ရရှိထားသူတွေအနေနဲ့ အီးယူနိုင်ငံတွေမှာ သူတို့ရဲ့ ဝန်ဆောင်မှုတွေ ရောင်းချဖို့ ပိုခက်ခဲသွားပါမယ်။ အရည်အချင်းသတ်မှတ်ချက် ရထားသူတွေ အနေနဲ့ ဒါတွေကို ဆက်လက်အသိအမှတ်ပြုမပြုဆိုတာကို နိုင်ငံတခုချင်းစီရဲ့ စည်းမျဉ်းတွေနဲ့ စစ်ကြည့်ဖို့ လိုလာပါမယ်။

ဒါပေမယ့် ဒီလို ဝန်ဆောင်မှုပေးတဲ့ အပိုင်းနဲ့ ပတ်သက်လို့ ပိုမို လွယ်ကူစေဖို့အတွက် နှစ်ဖက် ဆက်လက် ဆွေးနွေးမှုတွေ လုပ်သွားဖို့ကိုလည်း ယူကေနဲ့ အီးယူတို့ သဘောတူထားကြပါတယ်။

၃။ ခရီးသွားလုပ်ငန်း

ယူကေနဲ့ အီးယူ ကုန်သွယ်ရေး သဘောတူညီချက်အရ

ဒီလို သတ်မှတ်ချက်တွေရဲ့ ဆိုလိုရင်းနဲ့ အကျိုးဆက်

ယူကေအစိုးရဟာ ယူကေနိုင်ငံသားတွေ အီးယူနိုင်ငံတွေကို ခရီးသွားရာမှာ အကျုံးဝင်တော့မှာ မဟုတ်တဲ့ EHIC ကတ်ပြားစနစ်အစား ယူကေနိုင်ငံရဲ့ ကမ္ဘာလုံးဆိုင်ရာ ကျန်းမာရေး အာမခံ ကတ်ပြားစနစ်ကို အစားထိုးမယ်လို့ ကြေညာထားပြီး အသေးစိတ်ကို မထုတ်ပြန်သေးပါဘူး။

ယူကေနိုင်ငံသားတွေဟာ သူတို့ရဲ့ အိမ်မွေးတိရစ္တာန်တွေကို အီးယူနိုင်ငံတွေကို ခေါ်သွားရာမှာ ယခင်လို လွယ်ကူမှု မရှိတော့ဘဲ ပိုမို ရှုပ်ထွေးတဲ့ ပြင်ဆင်မှုတွေ ပါဝင်တဲ့ ကျန်းမာရေး ကင်းရှင်းကြောင်း လက်မှတ်ကို သွားတဲ့ အကြိမ်တိုင်းအတွက် အသစ်တခုရယူပြီး တင်ပြရမှာ ဖြစ်ပါတယ်။

ယူကေနိုင်ငံက လက်ကိုင်ဖုန်း ကွန်ရက် ဝန်ဆောင်မှုပေးတဲ့ ကုမ္ပဏီတွေဟာ အီးယူနိုင်ငံတွေကို သွားတဲ့ ယူကေနိုင်ငံသားတွေ ပြည်ပရောက် ဖုန်းခေါ်မှုနဲ့ အင်တာနက် အသုံးပြုရာမှာ အပိုဆောင်း အခကြေးငွေ စပြီး သတ်မှတ်လာနိုင်တဲ့အတွက် ခရီးမသွားခင်မှာ ကိုယ်အသုံးပြုတဲ့ ကုမ္ပဏီရဲ့ သတ်မှတ်ချက် အသစ်တွေကို စစ်ဆေးဖို့ လိုအပ်မှာ ဖြစ်ပါတယ်။

၄။ ငါးဖမ်းခွင့်

ယူကေနဲ့ အီးယူ ကုန်သွယ်ရေး သဘောတူညီချက်အရ

ဒီသတ်မှတ်ချက်တွေရဲ့ ဆိုလိုရင်းနဲ့ အကျိုးဆက်

ငါးဖမ်းခွင့် ကိစ္စဟာ ယူကေနဲ့ အီးယူတို့ ကုန်သွယ်ရေး ဆိုင်ရာ သဘောတူညီချက် ရဖို့အရေးမှာ နောက်ဆုံး တခုအနေနဲ့ရော အခက်ခဲဆုံး အနေနဲ့ပါ ကြန့်ကြာနေခဲ့ရတဲ့ ကိစ္စဖြစ်ခဲ့ပြီး ဒီနှစ်ဖက်သဘောတူညီချက်ကို မကျေနပ်တဲ့ ယူကေ ငါးဖမ်းလုပ်သားတွေလည်း ရှိနေပါတယ်။

ဒီ ငါးဖမ်းခွင့် ကိစ္စနဲ့ ပတ်သက်လို့ ၂၀၂၆ အရောက်မှာ ယူကေနဲ့ အီးယူတို့ ဆက်လက် ဆွေးနွေးရဦးမှာ ဖြစ်ပြီး နှစ်ဖက် အကြိတ်အနယ် ဆွေးနွေးရမှုတွေလည်း ထပ်ဖြစ်လာနိုင်ပါတယ်။

၅။ ဥရောပတရားရုံးနဲ့ အခြားအငြင်းပွားမှုများ

ယူကေနဲ့ အီးယူ နှစ်ဖက် ကုန်သွယ်ရေး သဘောတူညီချက်အရ

ဒီသတ်မှတ်ချက်ရဲ့ ဆိုလိုရင်းနဲ့ အကျိုးဆက်

ECJ ရဲ့ ယူကေနိုင်ငံအတွင်း အာဏာသက်ရောက်မှု အခန်းကဏ္ဍကို လေ ျှာ့ချဖို့ ဆိုတာဟာ ယူကေနိုင်ငံ အီးယူက ထွက်ရေးအပေါ် ထောက်ခံသူတွေရဲ့ အဓိက လိုလားချက် ဖြစ်ခဲ့ပါတယ်။

ဒါပေမယ့် အီးယူအဖွဲ့ဝင် ဖြစ်တဲ့ အိုင်ယာလန်နိုင်ငံနဲ့ နယ်နိမိတ်ချင်း ထိစပ်နေပြီး နယ်စပ် အတားအဆီး ထားဖို့ ခက်ခဲတဲ့ မြောက်အိုင်ယာလန်ကတော့ အီးယူရဲ့ ကုန်သွယ်ရေး စည်းကမ်းတချို့ကို ဆက်လက် လိုက်နာရဦးမှာ ဖြစ်တဲ့အတွက် ECJ ရဲ့ မြောက်အိုင်ယာလန်အတွင်း အာဏာသက်ရောက်မှုက အတိုင်းအတာ တခုအထိ ရှိနေနိုင်ပါတယ်။

ယူကေနဲ့ အီးယူတို့ရဲ့ ကုန်စည်စံချိန်စံညွှန်းနဲ့ပတ်သက်တဲ့ စည်းမျဉ်းတွေဟာ နှစ်ဖက် ကွဲလွဲမှု များလာမယ် ဆိုရင်တော့ အနာဂါတ်မှာ နှစ်ဖက် သွင်းကုန်တချို့အပေါ် အခွန်ကောက်တာမျိုးလည်း ဖြစ်လာနိုင်ပါတယ်။

၆။ လုံခြုံရေးနဲ့ ဒေတာအချက်အလက်

ယူကေနဲ့ အီးယူ နှစ်ဖက် ကုန်သွယ်ရေး သဘောတူညီချက်အရ

ဒီသတ်မှတ်ချက်တွေရဲ့ ဆိုလိုရင်းနဲ့ အကျိုးဆက်

ယူကေနိုင်ငံရဲ့ ယူရိုပိုးလ်နဲ့ ဆက်ဆံမှု ပုံစံဟာ အမေရိကန်နိုင်ငံက ယူရိုပိုးလ်နဲ့ ဆက်ဆံတဲ့ ပုံစံနဲ့ အလားသဏ္ဍန် တူတယ်လို့ ဆိုနိုင်ပါတယ်။

အချက်အလက်တွေ သိမ်းဆည်းမှုနဲ့ အသုံးချမှုဆိုင်ရာ စည်းကမ်းတွေ နှစ်ဖက် သဘောတူညီမှု ရဖို့ကို ယူကေနဲ့ အီးယူတို့ အဆုံးအဖြတ်ယူဖို့ ဆက်လက် ဆွေးနွေးရဦးမှာ ဖြစ်ပါတယ်။

၇။ ပညာရေး

ယူကေနဲ့ အီးယူ နှစ်ဖက် ကုန်သွယ်ရေး သဘောတူညီချက်အရ

ဒီသတ်မှတ်ချက်ရဲ့ ဆိုလိုရင်းနဲ့ အကျိုးဆက်

အခုလို ယူကေက အီးယူနိုင်ငံအချင်းချင်း ကျောင်းသား ဖလှယ်တဲ့ အစီအစဉ်မှာ မပါဝင်တော့ဘူး ဆိုပေမယ့် လက်ရှိ အီးယူနိုင်ငံ အသီးသီးက ကျောင်းတွေမှာ စတင်သင်ကြားနေပြီးသား ကျောင်းသားတွေအနေနဲ့ ပညာသင်ကြားမှုအထောက်အပံ့တွေ ဆက်လက် ရရှိမှာ ဖြစ်ပါတယ်။

ယူကေနိုင်ငံဟာ အီးယူရဲ့ Erasmus အစီအစဉ်နေရာမှာ ယူကေ သင်္ချာပညာရှင် အလန် ကျူးရင်းကို ဂုဏ်ပြုတဲ့ အနေနဲ့ နာမည်ပေးထား ကျူးရင်း အစီအစဉ်ကို အစားထိုးမှာ ဖြစ်ပါတယ်။

ဒီအစီအစဉ်ဟာ အီးယူနိုင်ငံတွေအပါအဝင် နိုင်ငံတကာက ယူကေနဲ့ သဘောတူညီမှု ရတဲ့ ကျောင်းတွေနဲ့ ကျောင်းသား ဖလှယ်လက်ခံမယ့် အစီအစဉ်ဖြစ်ပြီး လာမယ့် ၂၀၂၁ ခုနှစ် စက်တင်ဘာလမှာ စတင်မယ်လို့ ဆိုပါတယ်။