ဒေတာကုန်ကျမှုလျှော့ချနိုင်ရန်အတွက် ယခုဝက်ဘ်ဆိုက်မှ စာမျက်နှာများကို ရုပ်ပုံမပါ စာသားဖြင့်သာတင်ဆက်ပေးထားပါသည်။ ရုပ်ပုံ ဗီဒီယိုများနှင့် ကြည့်လိုလျှင် မူလစာမျက်နှာတွင်ကြည့်နိုင်ပါသည်။
ဘီလီယံနဲ့ချီတဲ့ တရားမ၀င် ငွေလွှဲမှုတွေကို ဘဏ်ကြီးတချို့က လုပ်ကိုင်နေတယ်ဆိုတဲ့ အထောက်အထားတွေ ထွက်ပေါ်
ကမ္ဘာပေါ်က လူသိအများဆုံး ဘဏ်ကြီးတချို့ဟာ ရာဇဝတ်သားတွေ ငွေကြေးခဝါချသူတွေ ကို သူတို့ ဘဏ်တွေ ကနေတဆင့် ငွေတွေ ဘီလီယံပေါင်းများစွာ လွှဲခွင့်ပြုနေတယ်ဆိုတဲ့ အထောက်အထားတွေ ပေါက်ထွက်လာပါတယ်။
အဲဒီထဲမှာ ရုရှားတွေအပေါ်အရေးယူ ပိတ်ဆို့ထားတဲ့ ချမှတ်ချက်တွေကို ဖောက်ဖျက်တာလဲပါဝင်ပါတယ်။
ဘဏ်လုပ်ငန်းကြီးတွေဟာ ရာဇဝတ်မှုတွေကို သံသယရှိပေမဲ့ ဒါကို ဟန့်တားဖို့ ဘယ်လို ပျက်ကွက်ခဲ့သလဲဆိုတာတွေကိုလည်း ဒီလျှို့ဝှက် အစီရင်ခံစာတွေမှာ တွေ့ရှိရပါတယ်။
ငွေကြေးခဝါချမှု လုပ်ငန်းတွေအတွက် လန်ဒန်မြို့ဟာ ဗဟိုချက် မြို့ ဖြစ်ပြီး သံသယဖြစ်ဖွယ် တရားမဝင် ငွေ ဒေါ်လာ ဘီလီယံနဲ့ချီဟာ ဘဏ္ဍာရေး စနစ်ထဲ ရောက်သွားတယ်ဆိုတာကိုလည်း တွေ့ရှိရပါတယ်။
FinCen ဖိုင်တွေလို့ သိကြတဲ့ ဒီအထောက်အထားတွေဟာ Buzzfeed သတင်းဌာနကို ပေါက်ကြားသွားခဲ့တာ ဖြစ်ပြီး နိုင်ငံတကာ စုံစမ်းထောက်လှမ်း သတင်းသမားများ အဖွဲ့ကနေ ဘီဘီစီက ရရှိခဲ့တာ ဖြစ်ပါတယ်။
ဘီဘီစီသတင်းထောက် Richard Bilton သတင်းပေးပို့ထားတာကို ကိုရင်မောင်က ပြန်ပြောပြပေးမှာပါ။
