အင်ဒိုနီးရှား ကျောင်းပြိုကျမှု အသက်ရှင် ကျန်ရစ်သူ မရှိတော့

အင်ဒိုနီးရှား နိုင်ငံ၊ အရှေ့ဂျာဗားမှာ တနင်္လာနေ့က ကျောင်းပြိုကျမှု ဖြစ်ပွားခဲ့ပြီးနောက် အပျက်အစီးပုံတွေ အောက်မှာ အသက်ရှင် ကျန်ရစ်သူ မရှိတော့ဘူးလို့ ကယ်ဆယ်ရေး အဖွဲ့တွေက ပြောကြားပါတယ်။ အစ္စလာမ္မစ် ကျောင်းမှာ ကျောင်းသား ရာနဲ့ချီ ရှိနေပြီး ဒါဇင်နဲ့ချီတဲ့ လူတွေ ပျောက်ဆုံးနေတာ ဖြစ်ပါတယ်။ အခုတော့ အပျက်အစီးတွေကို ဖယ်ရှားဖို့ ကယ်ဆယ်ရေး အဖွဲ့တွေက စက်ယန္တရားတွေကို စတင် အသုံးပြုတော့မှာလည်း ဖြစ်ပါတယ်။ ဘီဘီစီ ကမ္ဘာတလွှား ဌာနက ဆေလ်ဗာနို ဟာဂျစ်ရဲ့ သတင်းကို ကိုဘိုဘိုက ပြောပြပေးမှာပါ။