Beth yw berf?

JOSEFF Haia. Joseff dw i. Croeso i fy sianel. Yn ymuno gyda fi heddiw mae Mali.

MALI Io!

JOSEFF A heddiw, rydyn ni’n mynd i fynd bach yn retro.

MALI ‘Siwpyr Rasio Berfau?’

JOSEFF ‘Berfâu’

MALI Beth yn y…?

JOSEFF Dyma’r math o gêm roedd Dad yn chwarae pan oedd e’n fach. Erbyn hyn, yr unig beth mae e’n ei wneud yw… DIY.

Tair lap. Mewn berfa. Y cyflymaf sy’n ennill. Barod?

MALI Barod.

JOSEFF Welaist ti hynny? Gymerais i’r gornel fel pro.

MALI Sori, Joseff. Wnes i ddim. Roeddet ti tu ôl i mi.

JOSEFF Dywedaist y gwir.

Roeddwn i tu ôl i ti. Welsoch chi hynny, bawb?

MALI Welson nhw’n iawn.

Be sy’n digwydd?

JOSEFF Camwn i’r presennol.

Mali! Fi’n ennill! Fi’n ennill, Mali!

MALI Enillaf.

Wel. Gawn ni weld pwy sydd yn y ‘stafell sgwrsio? Mae Erin yn dweud, ‘Cyflymach, Mali! Dangosa iddo fe pwy yw’r bos!’ Diolch, cariad. Gwerthfawrogaf y gefnogaeth.

JOSEFF Byddwch ddistaw. Y ddwy ohonoch chi. A gwyliwch y meistr wrthi. Symudaf i’r person cyntaf…

O ho ho! Fi’n mwynhau hyn!

Wps. ‘Mwynhaf’.

Beth nawr?

MALI Cam i’r dyfodol!

Be wnei di, Joseff? Am roi’r gorau iddi?

JOSEFF Ti wir yn meddwl y curi di?

Ym. Methodd signal Mali. Ym… mae’n rhaid. Nawr, wyddwn ni byth pwy enillodd.