Comharran prìomh sgìre gnothachais
Glaschu
Meadhan baile Ghlaschu
Bidh PSG:
- ann am meadhan mòr-bhaile
- anns an àite as fhaisge airson faighinn thairis air abhainn, me Abhainn Chluaidh ann an Glaschu
- faisg air a' phàirt as sine de bhaile
Tha PSG ann am meadhan mòr-bhaile oir:
- 's e àite math a th' ann am meadhan baile airson rathaidean agus rèile a bhith a' tighinn còmhla
- sin an t-àite as fhasa do luchd-obrach faighinn ann
- tha e furasta dhan mhòr-chuid faighinn ann airson bùithtean agus gnìomhachasan
- glè thric, tha an suidheachadh math a thaobh cruinn-eòlais, mar eisimpleir, tha Glaschu air a chuartachadh le cnuic airson dìon
Tha PSG furasta aithneachadh bho na comharran a leanas:
- togalaichean àrda/iomadh-ùrlar
- talamh uabhasach daor
- dùmhlachd mhòr thaighean is thogalaichean
- dìth talamh fosgailte
- 's e mòr-bhùithtean (bùithtean coimeas-prìse) no bùithtean sònraichte, mar bùithtean seudraidh, a bhios ann
- ionadan-bhùithtean ùra agus sràidean do luchd-coiseachd a-mhàin
- togalaichean cultarach/eachdraidheil, taighean-tasgaidh agus caistealan
- roinn gnothachais - oifisean, ionmhas, bancaichean, rianachd, talla-baile
- fèisteas - taighean-dhealbh, taighean-cluich agus clubaichean
- ionadan-còmhdhail - stèisean bhusaichean agus rèile
- tòrr trafaig agus luchd-coiseachd aig uairean trang nan coimiutairean agus Disathairne, airson a dhol dha na bùithtean
- pàircean-chàraichean iomadh-ùrlar
- pàtran-clèithe air na sràidean
Seo cuid dhe na comharran a gheibh thu ann an Glaschu:
- togalaichean àrda/iomadh-ùrlar
- ionad-bhùithtean ùr agus slighe do luchd-coiseachd a-mhàin
- gun talamh fosgailte
- mòr-bhùithtean
- togalaichean cultarach/eachdraidheil
- fèisteas
- ionadan-còmhdhail
- pàircean-chàraichean iomadh-ùrlar
- pàtran-clèithe air na sràidean – Sràid Sauchiehall, Sràid Bath agus Sràid Renfield
