Eisimpleirean de cheistean
Thoir sùil air na ceistean seo.
Question
Thathar dhen bheachd gu bheil an dà mhodail bailteil seo cumanta mar structar bhailtean agus mhòr-bhailtean san Rìoghachd Aonaichte (RA) eadar 1850-1950.
Coimhead air modail A (Burgess)
- a. Thoir iomradh air suidheachadh gach seòrsa cleachdadh fearainn.
- b. Thoir aon adhbhar a mhìnicheas carson a tha gach seòrsa air a shuidheachadh an sin.
Modail bailteil A - Burgess
Seo modail bailteil sìmplidh agus furasta a chuimhneachadh. Mar a tha am mòr-bhaile a' fàs, tha togalaichean ùra gan togail nas fhaide air falbh on mheadhan.
- Sòn 1 - Tha gnothachas air a thàladh gu meadhan a' bhaile airson gum bi e furasta faighinn thuige. Tha prìsean àrd air sgàth farpais airson àite.
- Sòn 2 - Thàinig gnìomhachas air adhart san RA san naoidheamh linn deug, agus chaidh factaraidhean a thogail timcheall air a' PhSG. Chaidh taighean a thogail faisg air na factaraidhean dhan luchd-obrach.
- Sòn 3 - Ghluais daoine an uair sin na b' fhaide a-mach do sgìrean còmhnaidh ùr seach gun robh còmhdhail air fàs math.
- Sòn 4 and 5 - An-diugh 's fheàrr le mòran dhaoine an rùm agus an àrainneachd nas glaine air iomall a' bhaile, agus bidh mòran a' siubhal a dh'obair no ag obair air làraich ùra (raon-uaine) a-mach às a' bhaile.
Seo freagairtean dha na ceistean. Faic mar a tha iad air an dealbh.
(a)
'S e Sòn 1 meadhan a' bhaile no am Prìomh Sgìre Gnothachais, agus 's e bùithtean agus oifisean as motha a th' ann. Mu chuairt air tha Sòn 2, agus 's e factaraidhean agus gnìomhachas a th' ann. 'S e taighean luchd-obrach a th' ann an Sòn 3. 'S e Sòn 4 an sòn còmhnaidh a-muigh. Tha Sòn 5a taobh a-muigh nan cearcall seo agus glè thric 's e sgìre le taighean dhaoine a bhios a' siubhal a dh'obair ann am bailtean a bhios ann.
(b)
- Sòn 1 - PSG – suidhichte am meadhan a' bhaile airson a bhith furasta faighinn thuige. 'S àbhaist prìs an fhearainn a bhith ro dhaor an seo airson taigheadas.
- Sòn 2 – Sòn fhactaraidhean – bha gnìomhachas suidhichte an seo san naoidheamh linn deug ach b' e iomall a' bhaile a bh' ann aig an àm sin.
- Sòn 3 – Taighean luchd-obrach – air an togail faisg air na factaraidhean airson gum biodh e furasta do dhaoine faighinn a dh'obair ach bha aca ri coiseachd oir cha robh airgead gu leòr aca.
- Sòn 4 – Sòn còmhnaidh – mar a thàinig còmhdhail air adhart ghluais daoine a b' urrainn sin a dhèanamh gu taighean na bu mhotha faisg air iomallan nam bailtean.
- Sòn 5 – Sòn luchd-siubhail – bidh mòran dhaoine a-nis a' fuireach taobh a-muigh a' bhaile ann an àrainneachd nas glaine, an dara cuid a' siubhal a dh'obair no ag obair air làraich ùr raon-uaine.
Question
Coimhead air modail B (Hoyt)
- a. Thoir cunntas air na prìomh eadar-dhealachaidhean eadar modail B agus modail A.
- b. Thoir dà adhbhar a mhìnicheas na h-eadar-dhealachaidhean.
Modail bailteil B - Hoyt
Tha Modail B air leasachadh bho na cearcaill shìmplidh, cho-mheadhanach ann am modail A. Tha a-nis earrannan no roinnean de chleachdadh fearainn ann. Tha structaran coltach ris an seo ann an iomadh mòr-bhaile san RA.
- Tha am modail seo a' toirt fa-near nam feartan fiosaigeach mar aibhnichean no ceanglaichean còmhdhail mar rathaidean. (Sònaichean 2, 3 agus 5b)
- Dh'fhaodadh gun do thòisich gnìomhachas ann an roinn air sgàth deagh cheangal còmhdhail, ga chuideachadh a' faighinn bathar a-mach 's a-steach. (Sòn 2, me ri taobh Abhainn Chluaidh ann an Glaschu).
- Dh'fhaodadh gun deach taighean ùra a thogail air sgàth rathad ùr a bhith ga cheangal ris a' chòrr dhen bhaile.
(a)
'S iad na prìomh eadar-dhealachaidhean:
Na h-earrannan no na roinnean de gach seòrsa cleachdadh-fearainn a tha a' sgaoileadh a-mach bhon PhSG.
Tha diofar sheòrsachan thaighean air diofar thaobhan a' mhòr-bhaile, me an t-obair-chlas chun an iar agus am meadhan-chlas chun an ear.
(b)
Tha na h-eadar-dhealachaidhean ann oir:
Tha feartan fiosaigeach air a' mhodail, me cha robh raointean-tuile aibhne an-còmhnaidh freagarrachadh airson taigheadas, agus chaidh thogalaichean gnìomhachais a thogail an sin.
Còmhdhail – me bha sgìrean gnìomhachais ri taobh loidhne-rèile, no bha rathad ùr a' ciallachadh gun robh taighean ùra gan togail air iomall mòr-bhailtean.
- Cleachd fiosrachadh nan diagraman airson do chuideachadh a' sgrìobhadh do fhreagairt.
- Tha pàirt (a) dhen cheist ag ràdh thoir cunntas agus pàirt (b) mìnich, feuch nach tèid thu ceàrr leotha.
