Suriya üsyançıları Türkiyə sərhədindəki rayonu zəbt edib

Suriyada üsyançı döyüşçülər onların Türkiyə ilə keçidə və sərhəddəki kəndə nəzarət etdiyini göstərən video yayıblar.

İslamçı üsyançılar, o cümlədən Əl Qaidə ilə əlaqəli Nursa Cəbhəsi cümə günündən Kassab rayonu uğrunda vuruşurlar.

Döyüşlərdə prezident Əsədin yaxın qohumu Hilal əl-Əssad də öldürülüb.

Bazar günü hava məkanının pozulmasını səbəb gətirən Türkiyə ərazidəki Suriya hərbi təyyarəsini vurmuşdu.

Məlumata görə, üç güllə Türkiyəyə düşəndən sonra Türkiyə hərbi qüvvələri sərhəddə cavab atəş açıblar.