Şəkillər: Kiyevdə baş verən toqquşmalarda ölənlər var

Ukrayna paytaxtında baş vermiş iğtişaşlarda ilk ölüm hadisələri qeydə alınıb. Ötən gecədən polislə etirazçılar arasında başlamış toqquşmalar nəticəsində 3 adam ölüb.

Kiyev, 22 yanvar, 2014-cü il. Reuters
Şəklin alt yazısı, Kiyevdə polislə etirazçılar arasında toqquşmada azı 3 nəfər həlak olub. Avrointeqrasiya tərəfdarları Kiyevdə polislə toqquşur.
İğtişaş polisi zabitləri. Kiyev, 22 yanvar, 2014-cü il. Reuters
Şəklin alt yazısı, Çərşənbə günü toqquşmalar polis etirazçıların düşərgəsini dağıtmağa cəhd edəndən sonra başlayıb.
Polis cəsədi yığışdırır. BBC
Şəklin alt yazısı, Prokurorlar ölənlərdən ikisinin güllə yarasından keçindiyini təsdiqləyiblər. Noyabr ayında etirazlar başlayandan ilk dəfədir ki, Avrointeqrasiya tərəfdarları ilə polis qüvvələri arasında qarşıdurma insan itkisilə nəticələnib.
Kiyev, 22 yanvar, 2014-cü il. AFP
Şəklin alt yazısı, Toqquşmalar kütləvi aksiyaların keçirilməsini məhdudlaşdıran yeni qanunvericilik qüvvəyə minəndən sonra başlayıb. Etirazçı polisə daş atan zaman.
Kiyev, 22 yanvar, 2014-cü il. AP
Şəklin alt yazısı, Yüzlərlə adam yaralanıb. Zorakılıq hallarına görə az tanınan "Sağ Sektor" adlı ifrat sağçı qrup ittiham olunur. Tibbi personal yaralını hadisə yerindən götürür.
Kiyev, 2014-cü il. Reuters.
Şəklin alt yazısı, Çərşənbə günü iğtişaşlar Kiyevin mərkəzində Hruşevski küçəsindən başlayıb. Bu küçədə hökümət binaları və Maydan yerləşir. Avropa inteqrasiyası tərəfdarları polislə qarşıdurmaya hazır vəziyyətdə.
Kiyev, 22 yanvar, 2014-cü il. AFP
Şəklin alt yazısı, Səhər saat 08:00-dən sonra polis Hruşevski küçəsində etirazçılar tərəfindən qurulmuş barrikadalara hücum başladı. Polis qalxanını bir əlində, dəmir zənciri digər əlində tutan etirazçı.
Kiyev, 22 yanvar, 2014-cü il. Reuters
Şəklin alt yazısı, Etirazçılarla ilk toqquşmadan sonra polis geri çəkildi, lakin günortaya yaxın barrikadalara polisin yeni hücumu başladı. İğtişaş polisi qalxanları qabağa verərək irəliləyir.
Kiev, Reuters.
Şəklin alt yazısı, Etirazçılar polisə Molotov kokteylləri və daş atıb, polis səs qumbaraları və rezin güllələrlə cavab verib.
Kiyev, 22 yanvar, 2014-cü il. AFP
Şəklin alt yazısı, Etirazçıların yandırdıqları təkərlərdən qalxan qara tüstü Kiyevin mərkəzi hissəsinin üstünü bürüyüb. Zirehli polis texnikası etirazçıların dağıdılmasında iştirak edib.