Whatsapp-ı telefonsuz da “istifadə etmək mümkün olacaq”

1 Fevral 2020

Yeniləndi 16 Iyul 2021

WhatsApp telefon olmadan da mesajlaşmağa imkan verəcək yeni bir xüsusiyyətin sınaqlarını aparır.

Hazırda WhatsApp-ı brouzerdən və ya veb tətbiqdən istifadə etmək üçün o, telefonla əlaqələndirilməlidir.

Ancaq yeni xüsusiyyət istifadəçilərə "telefonunuzun batareyası tükənsə də" mesaj göndərməyə və qəbul etməyə imkan verəcək.

Və ondan eyni anda maksimum dörd kompüterdə və tabletdə istifadə etmək mümkün olacaq.

Hələ ki, bu xüsusiyyətdən "kiçik bir istifadəçi qrup" yararlana biləcək.

Təhlükəsizlik üçün önəmli hesab edilən hərtərəfli şifrələmə bu yeni sistemdə də mövcud olacaq, şirkət bildirib.

Hərçənd ki, antivirus şirkəti Eset-in təhlükəsizlik mütəxəssisi Jake Moore deyir ki, təhlükəsizliyin nə qədər güclü olmasına baxmayaraq, mesajların daha çox cihazda olması narahatlıq yarada bilər.

"Hər zaman bir həll yolu axtaran pis niyyətli bir aktyor ortaya çıxacaq,"- o əlavə edir

Skip Ən çox oxunan and continue reading

Ən çox oxunan

End of Ən çox oxunan

Onun sözlərinə görə, məişət zorakılığı edənlər belə şəxsi rabitəni ələ keçirərək bunu öz xeyirlərinə istifadə etmək potensialına sahib ola bilərlər.

WhatsApp mesajlaşma xidmətini bəzi sistemlərdə dayandırıb

WhatsApp mesajlaşma xidməti milyonlarla smartfonda işləməyəcək.

1 fevraldan etibarən köhnəlmiş əməliyyat sistemlərini dəstəkləyən Android və iPhone qurğularının sahibləri Facebook-a məxsus proqram əlavəsini istifadə etmək imkanından məhrum olacaq.

WhatsApp bildirir ki, bu addım istehlakçıların təhlükəsizliyini təmin etmək üçün atılır.

"Öz xidmətinin təhlükəsizlik qalmasını təmin etmək üçün WhatsApp-ın başqa yolu yox idi, lakin tətbiqin köhnə smartfonlara uyğun olmadığı çətin yan fəsadlara səbəb olub", - Mobil texnologiyaların təhlili üzrə CCS Insight şirkətinin analitiki Ben Wood deyib.

Mesajlaşma proqramı Androidin 2.3.7 və daha əvvəlki versiyaları ilə uzlaşmayacaq.

iPhone qurğularında isə, WhatsApp-ın işləməsi üçün əməliyyat sistemi iOS 8-dən yuxarı olmalıdır.