Cənubi Koreya: Koronavirus qorxusu və kütləvi toy mərasimi

Cənubi Koreyada minlərlə cütlük Unifikasiya Kilsəsi adı ilə tanınan Dünya Sülh və Unifikasiya Uğrunda Ailə Federasiyasının keçirdiyi kütləvi toyda iştirak edib.

Mərasim koronavirusun yayılması ilə bağlı qorxulara baxmayaraq paytaxt Seul yaxınlığındakı Kapyeongin şəhərində, Çeonqşim Dünya Sülh Mərkəzində keçirilib.

Bəzi cütlüklər mərasim üçün maskalar taxıblar, lakin tədbirdə maska taxmağı lazımsız hesab edənlər də olub.

Tədbirdə 60-dan çox ölkədən olan təxminən 6000 insan evlənib. Bu cür mərasimlər Unifikasiya Kilsəsi tərəfindən 1960-cı illərdən başlayaraq keçirilir.

İştirakçılar əvvəlcə koronavirusa görə yoxlamadan keçiblər. Cənubi Koreyadakı digər geniş miqyaslı tədbirlər ləğv edilib. Lakin kilsə Çindən olan cütlüklərin toyda iştirak etməsini qadağan edib.

Unifikasiya kilsəsi 30 min nəfərlik iştirakçıya üz maskaları hədiyyə edib - lakin tədbirdə maska taxmayan cütlər də olub.

Bütün fotoların müəlliflik hüququ qorunur.