Şəkillər: Putin Avstriya XİN başçısının toyunda rəqs edib
Şəklin mənbəyi, EPA
Şəklin alt yazısı, Vladimir Putin toyda gəlinlə rəqs edib.
53 yaşlı Avstriya XİN başçısı Karin Kneissl-in 65 yaşlı biznesmen Wolfgang Meilinger ilə toyu özünə diqqəti Rusiya prezidenti Vladimir Putinin bu tədbirdə iştirakı ilə çəkib.
Avstriya mətbuatının məlumatına görə, Putin toya gecikdiyindən mərasimin başlaması bir neçə dəqiqəliyə yubadılıb.
Karin Kneissl Avstriya XİN-ə qışdan bəri rəhbərlik edir.
O, Avropa ilə Rusiya arasında dialoq aparılmasının tərəfdarı kimi tanınıb.
Putin toyda bəy və gəlini təbrik edərək, gəlinlə rəqs də edib.
Şəklin mənbəyi, EPA
Şəklin alt yazısı, Kəbin kəsilmə mərasimində Vladimir Putin bəy və gəlinin yanında yer tutub.
Şəklin mənbəyi, EPA
Şəklin alt yazısı, Toy məclisində Vladimir Putin alman dilində bəy və gəlinin sağlığına tost deyib.
Şəklin mənbəyi, Getty Images
Şəklin alt yazısı, Putin özü ilə toya Rusiyanın Dövlət Kuban Kazak Xorunu da gətirib.
Şəklin mənbəyi, Reuters
Şəklin alt yazısı, Siyasi arenada Karin Kneissl son illərdə Rusiya hökümətiinə dəstəyini bildirməklə yanaşı Qərbin Rusiya ilə dialoquna da çağırışlar edib.
Şəklin mənbəyi, Getty Images
Şəklin alt yazısı, Karin Kneissl Vyanadan cənubda yerləşən kiçik bir fermada yaşayır, bir neçə dil bilir və Yaxın Şərq üzrə mütəxəssis sayılır.
Şəklin mənbəyi, AFP
Şəklin alt yazısı, Toya OPEC Baş Katibi Mohammed Barkindo da dəvət olunmuşdu.
Şəklin mənbəyi, Getty Images
Şəklin alt yazısı, Karin Kneissl və Avstriya kansleri Sebastian Kurz
Şəklin mənbəyi, EPA
Şəklin alt yazısı, Avstriya mediasının məlumatına görə, toy mərasiminin təhlükəsizliyini 300 polis əməkdaşı və 50 xüsusi təyinatlı qüvvələrin əsgəri təmin edib.
Şəklin mənbəyi, EPA
Şəklin alt yazısı, Toy mərasimi keçirilən əraziyə aparan bütün ətraf yollar məclis başa çatanadək bağlı qalıb.
Şəklin mənbəyi, Getty Images
Şəklin alt yazısı, Bəy və gəlin Avstriyanın sağçı Azadlıq Partiyasının üzvü Peter Fichtenbauer ilə də şəkil çəkdiriblər.
