Yaponiyaya çatan Trump Asiya müttəfiqlərini ABŞ-ın qətiyyətli olduğunda arxayın edib

US President Donald Trump (C) takes off his suit jacket to receive a bomber jacket from the US Pacific Air Forces as First Lady Melania Trump (R) looks on during an event to speak to US military personnel at Yokota Air Base at Fussa in Tokyo, 5 November

Şəklin mənbəyi, AFP

Şəklin alt yazısı, Prezident Trump mülki pencəyini çıxarıraq hərbi gödəkcəyə dəyişir.

Asiya turnesinə Yaponiyadan başlayan ABŞ prezidenti Donald Trump deyib ki, heç bir ölkə ABŞ-ın qətiyyətinə şübhə etməməlidir.

Tokio yaxınlığındakı Yokota hərbi hava bazasında ABŞ əsgərləri qarşısında çıxış edən prezident Trump bəyan edib ki, ABŞ hərbiyyəsinin sülhü qorumaq və azadlığı müdafiə etmək üçün kifayət qədər gücü və imkanı var.

Trump-ın səfəri Şimali Koreya və bu ölkənin nüvə və raket sınaqları ilə bağlı yaranmış gərginlik dövrünə təsadüf edib.

"Heç kəs, heç bir diktator, heç bir rejim... Amerikanın qətiyyətli olduğunu unutmamalıdır", - prezident Trump Yaponiyaya çatdıqdan sonra bəyan edib.

Yaponiyaya enməkdən əvvəl, uçduğu təyyarədə Trump bildirib ki, Asiya səfəri gedişində Rusiya prezidenti Vladimir Putinlə görüşünün olacağı gözlənilir.

"Şimali Koreya ilə bağlı Putinin köməyini istəyirik", - Trump deyib.

President Donald Trump with Japan's Prime Minister Shinzo Abe at the Kasumigaseki Country Club Gold Course in Tokyo on 5 November 2017

Şəklin mənbəyi, AFP

Şəklin alt yazısı, Yaponiya Baş naziri Şinzo Abe bu yaxınlarda keçirilmiş seçkini qazandıqdan sonra Donald Trump-la görüşüb.

Donald Trump Yaponiyanın Baş naziri Shinzo Abe ilə birgə nahar etdikdən sonra, iki lider arasında qolf oyunu da təşkil edilib.

Asiyaya səfəri çərçivəsində ABŞ prezidenti qarşıdakı günlərdə Cənubi Koreya, Çin, Vyetnam və Filippinə də baş çəkəcək.

Skip Ən çox oxunan and continue reading
Ən çox oxunan

End of Ən çox oxunan

Donald Trump departs after a round of golf with Japan's Prime Minister Shinzo Abe at Kasumigaseki Country Club in Kawagoe, Japan, 5 November

Şəklin mənbəyi, Reuters

Şəklin alt yazısı, Prezident Trump Yaponiyada baş nazir Abe ilə qolf oynayıb.

Vyetnamda Donald Trump Da Nang-da keçiriləcək Asiya-Sakit Okean İqtisadi Əməkdaşlığı summitində iştirak edəcək və Hanoya dövlət səfəri edəcək.

Səfərinin son mərhələsində Donald Trump ASEAN sammitində və sonra Şərqi Asiya sammitində iştirak etmək üçün Filippin paytaxtı Manilaya noyabrın 13-də baş çəkəcək.